漢發 - 豬膶麵外的驚喜

平時食豬膶麵，我會去福榮街維記，食完可以帶孖寶行吓玩具街；今次則陪了孖寶公公和婆婆專程去同樣位於深水埗，在大南街的漢發。

舖面乾淨企理，璧畫色彩鮮豔，這類麵檔茶餐廳而言，漢發算好肯執靚個門面，都好吖，顧客可以坐得舒舒服服，食嘢嘅心情都好啲!

我點了招牌豬膶牛肉出前一丁麵，豬膶真的夠哂大塊和厚切，成塊鵝肝咁，咬下去很滑，但湯底明顯唔夠維記清香，公仔麵亦煮得過稔。

婆婆點的水餃味道不錯，但不及公公點的鮑汁鳳爪撈麵，是當日亮點。

鮑汁鳳爪夠哂入味夠哂腍，撈麵亦有水準；最後想提吓他們的自家製辣椒油，炒得夠香辣，好!

工廈搵食Enjoy Chef

今日孖寶婆婆農曆生日，我哋去咗試新嘢(其實開了業5個月，只是今次是我們第一次幫襯).

億利工業大廈食肆林立，且看看這間Enjoy Chef能否突圍而出：

店內裝修普通，牆上壁畫頗能吸引視線(至少吸引到小女要同牆上的八爪魚合照):

廚房的壁畫也點綴得宜:

頭盤是意大利黑毛豬芒果卷，酸甜度準繩，醒胃得來又好吃，good!

加錢的黑松露忌廉磨菇湯，好味得來又唔會太杰，都唔錯:

其餘主菜都ok:

我覺得我碟medium rare鵝肝牛柳好味過孖寶公公的羊架。

餐飲我點了熱朱古力給孖寶，甜到呢~

要用杯熱水冲開做兩杯溝淡:

不過杯熱朱古力點甜，都唔夠個寫了"婆婆生日快樂"的apple pie with ice-cream和兩個孫的birthday kiss咁甜:

相比之下，這間Enjoy Chef比樓下同樣走工廈西餐路線的G. Gallery和C. Cuisine較為出色，下次想再食工廈西餐，Enjoy Chef將會是我在億利工業大廈中的首選。

名門@荔枝角懲教署收押所

入口:

看似很神秘的地方:

幸好不是要去探監😅，只是往毗鄰的懲教署職員宿舍搵食。

員工飯堂佈置當然不太花巧，平平實實，勝在座位寬敞，坐得舒適。

我想吃的杏汁豬肺湯、炆柚皮等菜式均需預訂，這下我可有點失策，只預訂了蒜蓉粉絲蒸蟶子和薑蔥桶蠔：

可惜預訂的菜式全令人失望，蟶子有點過熟略韌，桶蠔捧來時全然沒有煲仔上桌時的"吱吱咋咋"聲，味道不太差，就是沒有了那種熱騰騰的感覺；30元一隻的蟶子，148元4隻桶蠔，這個價錢，這種質素，唔值囉!

反而即叫不用預訂的小菜，價錢便宜之餘味道也不錯:

侍應推介的石仔窩醬爆一字骨，說是新出菜式幾乎枱枱都點，味道很好，用來送飯一流。

順德煎焗雞不過不失，略嫌不夠入味。

上湯菜心，幾好，起碼菜心唔老。

兩隻小鬼因之前去了游泳而倦極，整餐晚飯均昏睡了，唯有叫個乾炒牛河外賣，待他們睡醒才吃。

乾炒牛河不俗，所以話，貴嘢未必一定有水準，這裏平平地的小炒反而比預訂較貴的菜式為好。

免費附送的綠豆沙(忘了拍照!)甜度適中，我吃了一整碗!

雖然預訂菜式令人失望，但其餘小菜尚算不俗，地方隱蔽，座位闊落，價錢相宜，離家車程不遠，可以再來(我要記得先預訂杏汁豬肺湯和炆柚皮!)。