今年夏天...又多一個親子好節目

一到夏天，康樂部組長又要諗節目喇，務求令小姐少爺過個開心又好玩嘅暑假。

今年白石燒烤搞咗個充氣水上樂園，好似好正咁喎，一於一家人拉隊去試吓啦。

星期日，全場滿座，大家記得預先訂位呀! 小朋友一見到啲水上樂園設施，梗係未玩先興奮啦，二話不說換好泳衣便衝入去玩:

我哋呢啲做奴婢嘅，當然係燒定嘢食等主子玩夠回來吃啦:

有幾好玩唔多講，大家睇片睇相啦:

























追、跑、跳、跣、瀡(sir)、攀、爬玩齊，夠哂開心，夠哂fun!

玩夠肚餓，一開始就燒嘅古法吊燒雞在這時剛剛燒好，個多鐘頭，時間啱啱好:

其餘有芝士腸、腸仔、蕃薯、雞翼、各種扒類、丸類和海鮮:

食飽又話要玩bouncy castle和撈金魚:

我們總共撈了8條金魚，可換得彩虹膠圈兩個:

雖然每樣玩樂設施收費不算便宜，但主子們玩得開心，一家人能"水火相容"，又有得玩水又有得BB蕉，確係一個高高興興的夏日合家歡好節目呢!

{www.facebook.com/Kisskidsfamily}

燒乳豬@白石燒烤

馬鞍山白石燒烤，冇乜特別，最特別就係有燒乳豬，其實隻豬計落都唔平，但一班朋友有隻乳豬慶生，都幾得意吖。

尤其是小朋友，第一次自己燒乳豬，一開始都興奮莫名，當然燒到咁上下，就當隻乳豬不是一回事了。

燒烤場會有張紙教大家點燒隻乳豬，給大家看側面、正面和反面，我哋燒得唔錯㗎！

因為時間嘅關係，隻豬燒到咁上下，會有工作人員拎你隻乳豬去個勁爐到燒，會容易啲做到化皮嘅效果:

有得食喇，當日我哋8個大人兩個小孩食唔晒，要打包拎走。當時食嘅乳豬都幾好味，脆卜卜，不過有啲太肥和略鹹，好膩，反而打包拎走後第二晚，我媽叫工人姐姐用來整豆豉涼瓜炆乳豬，冇咁肥膩和鹹，非常出色好味!

燒烤場也有其他套餐食物，不過味道非常一般，不值一提，反而想講佢嘅洗手間以燒烤場來說算幾企理乾淨。

場內有收費兒童遊戲，bouncy castle和撈金魚等:

泊車只免費首二小時，但BB蕉閒閒地都5、6個鐘㗎嘛，計埋計埋，來這裡燒烤不算便宜，不過良朋樂聚，歡渡BBQ光陰，都ok嘅。

{www.facebook.com/Kisskidsfamily}