北海道親子滑雪之旅: 我和二世古有個約會

滑雪，我們鍾情雪粉紛飛的二世古，啲powder好靚好軟綿綿，跌都跌得冇咁痛😜。

上兩次住Hirafutei和Ivy Chalet，今次試吓同樣位於Hirafu的Hotel Niseko Alpen，無論ski-in ski-out或推住行李來往Welcome Centre的巴士站與酒店也很方便。

抵達二世古的第一餐，去了walk-in較易有位而水準又穩定的阿武茶。

這日在二世古主要是準備好租借的滑雪用具, 其餘時間都是大人去逛滑雪用品店, 小朋友則在路邊玩雪。

三個登山者:

攀登珠穆朗雅峰:

成功登頂:

大個女喇, 租借了的滑雪用具, 要自己拿著上斜回酒店:

Hotel Niseko Alpen的晚餐, 和牛Shabu Shabu都算ok, 至少唔使等位, 可以舒舒服服食完上房。

酒店另一賣點, 便是有ミルク工房cafe, 嘆個高橋牧場下午茶話都冇咁易!

第二天, 小孩們上NBS(Niseko Base Snowsports)的兒童滑雪課程, 他們的課程很有系統, 小朋友學滑雪學得很棒!

把小孩交託了給NBS的教練後, 我們家長便可安心去滑我們的雪了:

比羅夫Ace Family滑道下面, 開了一間新的餐廳"器", 上年還未有的, 滑了半個上午, 在那裡吃lunch順便稍事休息, 普通餐廳質素啦, 不過不失, 最大優點是滑到底後方便歇腳醫肚:

<比羅夫Ace Family滑道>

晚餐這間Bang Bang, 非常非常的full, 我這個booking是預先三個月前book的: 

味道嘛，期望太高，覺得還好啦，但不至於要預早三個月book咁誇囉😅。

最後兩天, 我們由Hirafu轉戰Annupuri: 

<山腳下的小滑道>

<Annupuri的Jumbo Hooded Quad Lift#1>

Annupuri條綠色滑道比Hirafu條Ace Family滑道斜少少和多兩個彎位, 但又易過Hirafu Gondola嗰條綠色滑道, 好適合我哋呢啲已掌握基本技術但又驚青(我講我自己😅, 小朋友都一支箭咁衝落去)嘅一家大小一齊滑:

滑下一小段路, 有一山中小屋Paradise Hut可以取暖歇息:

來來回回滑咗不知幾多次, 滑到兩個少爺冇哂電:

畀幅圖大家睇吓, 便會清楚各個滑雪位置, Hirafu比羅夫(即Hotel Niseko Alpen和Ace Family滑道的所在處)在圖中間靠右少少的下方, 而Annupuri則在圖中左方:

滑完雪, 還有最後一個景點, 便是新千歲國際機場, 我們每次都會預多2~3小時逗留在這個機場食, 買, 玩!

先來小朋友最愛的Doraemon Cafe:

咁可愛, 唔係唔自拍呀?!

兒童餐:

小小的遊戲區:

食完玩完, 行街兼食吓小食:

北海道滑雪之旅完結喇, Bye~

{更多精彩內容, 請like: www.facebook.com/Kisskidsfamily}

2013年的白色聖誕 - 二世古滑雪及血拼於札幌新千歲機場

此次白色聖誕之旅的重點... 就是歐陽家和彭家兩家小姐在二世古學滑雪:

<<CEO希望孖寶藉著旅行能增廣見聞外,還希望他們能襯年紀少的時候嘗試不同的運動,從少陪養勇於嘗試的精神,心肝寶貝,努力加油啊!>>

4歲小朋友可參加滑雪學校的Powder Puppies班,不用家長陪同,教練會照顧哂她們當天9:30am-3:30pm的滑雪課程和lunch,break time仲有hot chocolate嘆o添; 

當日滑雪學校安排了一位澳洲女教練作她們Powder Puppies班的導師,想不到她們第一次滑雪已可乘Chairlift上山頂再滑落山腳:

<<Powder Puppies出發!>>

<<由山頂滑落山腳>>

至於我們兩家公子 - 彭少爺和歐陽少爺,因唔夠秤,呀,唔係,係未夠年齡(最少要3歲)而冇得學滑雪住,惟有暫且放他們在Day Care Centre,由日本嬸嬸照顧住先:

 <<¥4000(aroundHK$303)暫託3個小時左右的Day Care Centre,內裏有玩具,麵包超人卡通和愉快動物餅提供,當是上了一堂日文playgroup吧!>>

<<哇! 媽呀! 我平時返學個Miss好靚女o架,我唔要雞同鴨講嘅Obasan(日本大嬸)呀!>>

<<Mami去意已決,惟有抺乾眼淚,接受現實... 到Mami嚟接番佢走時,佢已經好熟地頭咁自己攞玩具嚟玩,仲同其他小朋友玩得好開心o添!>>

Settle好哂小姐們和公子們,到我哋大人跟教練去滑雪喇:

彭小子望住人哋滑雪,好想好想玩,CEO心生一計,助他完夢,等家姐仔上完滑雪堂,借佢套equipment一用,帶他到小空地玩玩,彭小子又ok喎,真係跣到兩嘢,哈哈!

除咗滑雪係重點,對小朋友而言,喺Snow Park玩雪都係重點節目之一:

<<美麗的羊蹄山和可愛的小孩們...出發去Snow Park玩雪囉,Let's go!>>

玩雪兜:

整雪球:

砌城堡:

瞓雪地:

遇到會派糖給小朋友的雪地Santa:

旅程結束,最後節目是在札幌新千歲機場食呀食,買呀買:

<<彭主席吃北海道牛奶雪糕,彭小姐則吃她最愛的士多啤梨雪糕>>

<<很香口的即炸北海道薯條>>

<<新鮮出爐的美瑛粟米包:麵包鬆軟,超多香甜粟米,不過要趁新鮮先最好食>>

<<很可惜海膽是禁止出境的,不能帶回家與孖寶婆婆一起品嚐,惟有即席獨個兒鯨吞一盒uni,大滿足呢!>>

經過我們粗略的快速格價,眾多商舖中以這間"北海道物產"賣的海鮮最抵:

"白痴"戀人,Royce'等朱古力不多說了,每間店舖都是劃一價錢,而且香港也有得買; 不過這個Le TAO FROMAGE DOUBLE Cheesecake就真係值得推介,香濃軟滑嘅芝士味,令口腔盪漾著濃厚的北海道芝士風味:

<<¥1575(around HK$120)的Le TAO FROMAGE DOUBLE,名符其實的double cheese,勁香滑的芝士味,喜歡吃cheesecake的人一定會愛上!>>

賣蟹的店舖實在太多了,花多眼亂,最後在感覺較抵的"北海道物產"買了盒蟹套裝回港,結束我們的白色平安夜,返港準備和公公婆婆,還有從英國回來的姨媽媽在家搞個聖誕大餐,慶祝聖誕節!

{www.facebook.com/Kisskidsfamily}