親子滑雪@北海道二世古 - 親子活動篇

上篇講完酒店住宿，咁究竟北海道滑雪之旅有什麼親子玩意呢?

當然是滑雪啦! 二世古這間滑雪學校的課程，小姐們是第二次參加的了，一班小鬼頭嘻嘻哈哈的學習，又學得有板有眼，而少爺今年第一次參加滑雪班，由green light & red light開始學go & stop:

第一堂已經學得算唔錯:

https://www.youtube.com/watch?v=XexX44Ftc1Q

家姐第二次參加滑雪課程, 可謂駕輕就熟:
https://www.youtube.com/watch?v=bXyqxxoPdWA

https://www.youtube.com/watch?v=QvA_rpUlPa0

之後好快已經可以風馳電掣任我行，而我只可以在他後面食塵，呀，唔係，應該是望塵莫及，連塵都食唔到先啱😅! 所以我好推薦Niseko這間有兒童課程的滑雪學校:

http://zh-tw.nisekobase.com/

能一家人坐lift chair上山，又一起滑下來，雖然只是family滑道，但已經很有滿足感:

除了滑雪，還有砌冰屋，都幾特別，成家好似做咗愛斯基摩人咁!

首先要將啲雪剷落個膠箱度，再踏實啲雪，倒出來便是一磚磚冰磚。

把冰磚圍成圓圈，因要向上收窄，所以要用鋸刀切成適合角度:

砌到尾聲，小鬼們都留在室內取暖了，剩下大人們勞動到底...

大功告成!

合兩對夫婦加一個職員的力量完成, 砌到最尾真係凍到個人僵哂, 又凍又攰!

幸好完成後會有曲奇和熱朱古力享用，勞動過後饑寒交迫，令到那些曲奇特別好味:

砌冰屋是一項頗勞動的活動，買盒cheese tart回酒店，浸完溫泉食件撻，舒服哂!

旅程其中一日，我們去了Hilton那邊坐鹿車和騎雪上摩托車，記得要先預約，否則隨時會白行一趟:

Reindeer sledding啱小朋友, 而Snow mobile則啱大朋友, 小朋友可坐前面, 一起在雪地上馳騁:

休息片刻, 兩個小太空人在一片白茫茫的雪地上漫步:

一邊揸Snow mobile, 一邊欣賞雪景, 好玩喔:

我記得上次在Hirafu是有一個兒童玩雪場地是有雪兜免費供應的, 但Hilton這裏則要自備雪兜:

https://www.youtube.com/watch?v=cCVOzuE3GvE

其實除了以上親子活動, 還有浸溫泉或是小朋友隨意在街道上玩雪, 已經夠哂開心夠哂fun!

{www.facebook.com/Kisskidsfamily}

流行首爾 - 龍平滑雪場Alpensia

龍平滑雪場，嚟過韓國滑雪嘅港人應該唔會陌生，相比之下，我哋上次去Niseko二世古Hirafu好好多，有專為初學小孩而設的滑雪課程，不用父母陪同，自己跟教練上山玩，滑雪之餘又會同佢哋玩吓砌雪人、飲吓熱朱古力咁，佢哋又幸運地跟著個年輕澳洲女教練，英文溝通冇問題，玩得好開心，亦令佢哋對滑雪這玩意留下美好印象; Alpensia這裡沒有相關課程，唯有和朋友兩個家庭book兩個教練，一家大細一齊玩啦(事後證實大人小孩分開學會好好多)!

Hello Kitty準備好去滑雪了喔!

小朋友有父母在身邊便會依賴，加上韓國教練英語水平真係有限公司，小朋友和他們溝通唔到，嘥氣! 

不過都叫做俾佢哋感受下滑雪咁囉~

(下次book講國語的教練可能會好一點?!)

滑雪似乎唔係小朋友最喜歡的項目，因為以下這個水泡滑道，小鬼們先玩到𠵱嘩鬼叫，興奮莫名。

自己拉個水泡沿住行人電梯上去:





























https://www.youtube.com/watch?v=8eQHe6qEzIo

好在是買了任玩那款票，可以玩完一次又一次, 試勻唔同花式, 一個小朋友滑下來又得, 兩個小朋友一起又得, 一大一小亦得。

滑雪和水泡滑道可算是龍平滑雪場的重點項目，其餘節目有乜好做呢? 留待下篇"冰火之旅"再談。



{www.facebook.com/Kisskidsfamily}

2013年的白色聖誕 - 二世古滑雪及血拼於札幌新千歲機場

此次白色聖誕之旅的重點... 就是歐陽家和彭家兩家小姐在二世古學滑雪:

<<CEO希望孖寶藉著旅行能增廣見聞外,還希望他們能襯年紀少的時候嘗試不同的運動,從少陪養勇於嘗試的精神,心肝寶貝,努力加油啊!>>

4歲小朋友可參加滑雪學校的Powder Puppies班,不用家長陪同,教練會照顧哂她們當天9:30am-3:30pm的滑雪課程和lunch,break time仲有hot chocolate嘆o添; 

當日滑雪學校安排了一位澳洲女教練作她們Powder Puppies班的導師,想不到她們第一次滑雪已可乘Chairlift上山頂再滑落山腳:

<<Powder Puppies出發!>>

<<由山頂滑落山腳>>

至於我們兩家公子 - 彭少爺和歐陽少爺,因唔夠秤,呀,唔係,係未夠年齡(最少要3歲)而冇得學滑雪住,惟有暫且放他們在Day Care Centre,由日本嬸嬸照顧住先:

 <<¥4000(aroundHK$303)暫託3個小時左右的Day Care Centre,內裏有玩具,麵包超人卡通和愉快動物餅提供,當是上了一堂日文playgroup吧!>>

<<哇! 媽呀! 我平時返學個Miss好靚女o架,我唔要雞同鴨講嘅Obasan(日本大嬸)呀!>>

<<Mami去意已決,惟有抺乾眼淚,接受現實... 到Mami嚟接番佢走時,佢已經好熟地頭咁自己攞玩具嚟玩,仲同其他小朋友玩得好開心o添!>>

Settle好哂小姐們和公子們,到我哋大人跟教練去滑雪喇:

彭小子望住人哋滑雪,好想好想玩,CEO心生一計,助他完夢,等家姐仔上完滑雪堂,借佢套equipment一用,帶他到小空地玩玩,彭小子又ok喎,真係跣到兩嘢,哈哈!

除咗滑雪係重點,對小朋友而言,喺Snow Park玩雪都係重點節目之一:

<<美麗的羊蹄山和可愛的小孩們...出發去Snow Park玩雪囉,Let's go!>>

玩雪兜:

整雪球:

砌城堡:

瞓雪地:

遇到會派糖給小朋友的雪地Santa:

旅程結束,最後節目是在札幌新千歲機場食呀食,買呀買:

<<彭主席吃北海道牛奶雪糕,彭小姐則吃她最愛的士多啤梨雪糕>>

<<很香口的即炸北海道薯條>>

<<新鮮出爐的美瑛粟米包:麵包鬆軟,超多香甜粟米,不過要趁新鮮先最好食>>

<<很可惜海膽是禁止出境的,不能帶回家與孖寶婆婆一起品嚐,惟有即席獨個兒鯨吞一盒uni,大滿足呢!>>

經過我們粗略的快速格價,眾多商舖中以這間"北海道物產"賣的海鮮最抵:

"白痴"戀人,Royce'等朱古力不多說了,每間店舖都是劃一價錢,而且香港也有得買; 不過這個Le TAO FROMAGE DOUBLE Cheesecake就真係值得推介,香濃軟滑嘅芝士味,令口腔盪漾著濃厚的北海道芝士風味:

<<¥1575(around HK$120)的Le TAO FROMAGE DOUBLE,名符其實的double cheese,勁香滑的芝士味,喜歡吃cheesecake的人一定會愛上!>>

賣蟹的店舖實在太多了,花多眼亂,最後在感覺較抵的"北海道物產"買了盒蟹套裝回港,結束我們的白色平安夜,返港準備和公公婆婆,還有從英國回來的姨媽媽在家搞個聖誕大餐,慶祝聖誕節!

{www.facebook.com/Kisskidsfamily}