一到夏天，康樂部組長又要諗節目喇，務求令小姐少爺過個開心又好玩嘅暑假。
今年白石燒烤搞咗個充氣水上樂園，好似好正咁喎，一於一家人拉隊去試吓啦。
星期日，全場滿座，大家記得預先訂位呀! 小朋友一見到啲水上樂園設施，梗係未玩先興奮啦，二話不說換好泳衣便衝入去玩:
我哋呢啲做奴婢嘅，當然係燒定嘢食等主子玩夠回來吃啦:
有幾好玩唔多講，大家睇片睇相啦:
追、跑、跳、跣、瀡(sir)、攀、爬玩齊，夠哂開心，夠哂fun!
玩夠肚餓，一開始就燒嘅古法吊燒雞在這時剛剛燒好，個多鐘頭，時間啱啱好:
其餘有芝士腸、腸仔、蕃薯、雞翼、各種扒類、丸類和海鮮:
食飽又話要玩bouncy castle和撈金魚:
我們總共撈了8條金魚，可換得彩虹膠圈兩個:
雖然每樣玩樂設施收費不算便宜，但主子們玩得開心，一家人能"水火相容"，又有得玩水又有得BB蕉，確係一個高高興興的夏日合家歡好節目呢!
