起動! 與他一起流汗吧!

CEO由細到大都唔鍾意運動，一來沒有運動細胞、二來沒有迫切需要(身體髮膚，受諸父母，在此要多謝爸媽賜予我一個唔需要點節食和運動的body，在女人的終身事業方面確實省回不少時間和金錢)，但係唔做運動當然唔健康啦，尤其是到咗咁上下年紀，真係要keep吓，好，為了追求更健康的生活，一於動起來!



唔, 但係點先可以喚醒我沉睡多年嘅運動神經呢? 真係要諗諗計...



1. 運動多元化: 即係在未搵到真正興趣前, 乜都試吓先囉! 暫時覺得可持續發展下去的, 有:



跑步 - 夠簡單, 容易開始嘛!





跳舞: 和小朋友一起跳舞, 既可親子, 又可消耗卡路里, 哈哈!

其實我在鏡頭外好落力咁同佢哋一齊跳緊㗎:

http://youtu.be/7Bxi6lKXunw

既然喜歡跳舞, 或者躲在家中跟住節拍跳鄭多燕, 都會是一個不錯的選擇;



還有yoga我都幾鍾意, 陀住彭小姐時去過做大肚瑜珈, 感覺自己的生活健康咗, 又可慢慢向難度挑戰, 啱哂我慢條斯理嘅生活節奏.

2. 不要少看衣著：所謂工欲善其事，必先利其器，要自己運動得開心，一套合身和專業(至少看來是專業!)的運動裝相當重要。眼見有些人到健身室做運動時會著一些鬆身隨便的衣服，對我來說不成! 要認真一點看待你的運動，儘管只是到家裏樓下會所的健身室。

運動衣剪裁要顯現到自己身段的，這才可認真面對哪裡需要改善，而且穿得專業漂亮點(起碼要自己這樣認為),做起運動來也會自信一點，加倍認真努力一點!





3. 隨音樂而起動：選一些啱beat而自己喜歡的音樂，這是很個人的，總之就是聽了後會有股想動起來感覺的音樂。





4. 找個有利位置：如去gym room workout，盡量找一個有鏡子，可看到自己前後左右的位置，在運動時看到自己的姿勢和身型，清楚知道自己哪部位和姿勢需要改善。





5. 找個認真的志同道合: 和他一起流汗吧! 這也是很個人的，哈哈！可能認真運動的人會更喜歡自己一個人運動，可按自己能力和興趣而行，不用受人牽制；但我這種不太熱衷的初哥，的確需要一個同伴鼓勵和支持。 如找不到合適人選，我相信找一個能認真督導自己的專業教練也可以吧！像我這種懶於運動的人，是極需要有人guide住，才能持之而恆，向健康的人生進發！









與他一起流汗, 跑步有趣多了!

{www.facebook.com/Kisskidsfamily}

支持小店@Pizza Piazza

話說孖寶好鍾情Pizza Hut，所以有時放假出街玩到攰哂後，都會安坐家中 order pizza delivery.

聽說荔枝角工廠區有家pizza小店味道不錯，但逢星期日及公眾假期均休息，一直無緣一試，終於一晚星期五有機會，決心力排孖寶眾議，唔叫Pizza Hut，一於試叫Pizza Piazza嘅delivery.

Pizza確係正宗好味，肉醬千層麵和松露白汁意粉也好吃，味道確係好過Pizza Hut好多，不過Pizza Hut die-hard fans細Lolo話:"我覺得Pizza Hut好食好多好多喎。" 吹脹! 不過小店缺點係送外賣時沒有像Pizza Hut般用保溫袋，外賣速遞保溫做得不夠好。

我們喜歡支持小店，所以另外一晚又有機會，不去Pizza Hut而去Pizza Piazza，今次唔叫外賣，而是親身踩場。

Pizza Piazza很有小店風情，由Pizza到松露忌廉意粉到甜品Apple Pie都好味，唯獨是蜆肉白汁意粉有陣苦味(應該是因為落多了檸檬皮)，希望可作改善。

支持小店，下次食pizza如果不是撞正星期日或公眾假期，我們都會幫襯Pizza Piazza，點知那個Pizza Hut die-hard fans細Lolo依然是那句評語:「我覺得Pizza Hut好食好多好多喎。」睇嚟都係擺脫唔到Pizza Hut嘅魔咒住，希望遲點會有多些機會讓他們懂得欣賞地區小店的可貴吧!

{www.facebook.com/Kisskidsfamily}

火焰牛柳

專程帶他們去吃火焰牛柳, 就是為了這一刻...

甘牌燒鵝

家姊張C9回英在即，專程和她過海品嘗甘牌燒鵝。

等位等了大概15分鐘吧:

主角甘牌燒鵝出場:

加碗瀨粉做燒鵝瀨，話咁快掃哂:

鏞記燒鵝享負盛名，甘牌燒鵝是其後人，不難闖出名堂吧!

外賣叉燒接孖寶放學:

叉燒略嫌偏瘦。

秋風起，食臘味，買番盒鵝肝腸回家蒸飯:

鵝肝腸蒸飯夠哂香!

{www.facebookcom/Kisskidsfamily}

名門再戰

現在tvb播緊"名門暗戰"，因KKF湊住孖寶，已經冇追電視劇好耐，無緣收看。

"名門暗戰"無得睇，唯有自己"名門再戰"，再到訪之前去過一次的名門。

名門位於荔枝角收押所內的職員會所內，地點隱蔽，來了兩次，客人均不多，座位闊落，坐得舒服。

可口的炸豆腐:

石仔鍋醬爆一字骨，食過番尋味:

蕃茄炒蛋，沒有特別，只是給小孩好送飯:

其餘均是很抵食而味道又不差的菜式:

明明上次講過桶蠔唔抵食又冇sizzling sound，唔知做乜今次又叫了這道菜(只能怪太愛吃蠔了!)，下次點餸前要記得睇番自己的食評;-p

上次和今次送的甜品都唔錯，唔太甜，啱我口味:

非常非常抵吃的一餐，除了那道又再中伏的薑葱桶蠔!

{www.facebook.com/Kisskidsfamily}

搵好嘢食@男爵

是晚親友共聚，相約於佐敦炮台街男爵，環境雖然不太好，但有好嘢食，又可與親友共聚一堂，又有乜所謂呢。

預訂了的豬肺湯，正! 本身好鍾意飲豬肺湯食豬肺，這煲湯令我好滿足；而即席點的口水雞則不過不失啦，不算特別。

豬油撈飯加鼓油，我家小姐少爺k.o.哂成碗就知係正嘢。

薑蔥蒸蠔我也很喜歡，可吃到蠔味又不會腥。

焗魚腸只能說麻麻，稍嫌魚腸太粉，亦焗得不夠香口。

需要預訂的炸子雞和炆斑翅均很出色，炸子雞夠嫩滑，斑翅惹味勁夠骨膠原，成為整頓飯的亮點。

大廚不時會出來與客人傾計，食吓飯、吹吓水，溫飽的一晚。

{www.facebook.com/Kisskidsfamily}

Walt's Cafe華特餐廳@迪士尼樂園酒店

今日本來想趁好天氣去搭吓昂平360，去到見到大排長龍，立即決定轉戰迪恩湖。

沒有野餐準備，只是在草地散步走走，一派悠然自得；迪恩湖是我最愛野餐的地方，有靚靚風景、青青草地，有家庭式單車和水上單車可供租借，又有滑梯、噴水池等兒童遊樂設施，悠閒地在草地上看著小孩奔跑遊戲，真是一大樂事。

在迪欣湖hea完，去迪士尼酒店醫肚。

想試晶荷軒，full booking，咁等walk-in啦，sorry，距離下午3點落場只有一小時，唔做生意喇，諗都冇得諗。

樓下翠樂亭... 唔... 本身唔係咁鐘意食buffet囉，去都係為咗小朋友生日有米奇老死同佢哋一起唱生日歌和吹蠟燭而已。

最後等了15分鐘，一於試吓未幫襯過的華特餐廳。

沙律和甜品都是buffet形式的，小鬼們最開心，可以跟住婆婆搞搞震。

心形西瓜:

甜品當然以Mickey Mouse造型最吸引:

逗得小朋友開心，大人又開心:

細佬的眼中，也只有那個Mickey Mouse甜品了:

二話不說, 食完先算:

兒童餐的mac & cheese很夠creamy,亦夠青豆,粟米和生果, 尚算健康.

彭主席點了一個沙律，他的食評是：口味清新得嚟又夠飽肚，咁都唔錯吖。

最後還有沒拍低照片的海南雞飯和白汁煙肉蛋意粉，兩樣都ok好味，後者口感al dente，幾有水準。

出得嚟行，預咗要還, 嚟得迪士尼，預咗啲嘢貴; 只要小朋友開心，食物質素不俗，間唔中俾米奇老鼠劏吓都ok嘅。

{www.facebook.com/Kisskidsfamily}