起動! 與他一起流汗吧!

CEO由細到大都唔鍾意運動，一來沒有運動細胞、二來沒有迫切需要(身體髮膚，受諸父母，在此要多謝爸媽賜予我一個唔需要點節食和運動的body，在女人的終身事業方面確實省回不少時間和金錢)，但係唔做運動當然唔健康啦，尤其是到咗咁上下年紀，真係要keep吓，好，為了追求更健康的生活，一於動起來!



唔, 但係點先可以喚醒我沉睡多年嘅運動神經呢? 真係要諗諗計...



1. 運動多元化: 即係在未搵到真正興趣前, 乜都試吓先囉! 暫時覺得可持續發展下去的, 有:



跑步 - 夠簡單, 容易開始嘛!





跳舞: 和小朋友一起跳舞, 既可親子, 又可消耗卡路里, 哈哈!

其實我在鏡頭外好落力咁同佢哋一齊跳緊㗎:

http://youtu.be/7Bxi6lKXunw

既然喜歡跳舞, 或者躲在家中跟住節拍跳鄭多燕, 都會是一個不錯的選擇;



還有yoga我都幾鍾意, 陀住彭小姐時去過做大肚瑜珈, 感覺自己的生活健康咗, 又可慢慢向難度挑戰, 啱哂我慢條斯理嘅生活節奏.

2. 不要少看衣著：所謂工欲善其事，必先利其器，要自己運動得開心，一套合身和專業(至少看來是專業!)的運動裝相當重要。眼見有些人到健身室做運動時會著一些鬆身隨便的衣服，對我來說不成! 要認真一點看待你的運動，儘管只是到家裏樓下會所的健身室。

運動衣剪裁要顯現到自己身段的，這才可認真面對哪裡需要改善，而且穿得專業漂亮點(起碼要自己這樣認為),做起運動來也會自信一點，加倍認真努力一點!





3. 隨音樂而起動：選一些啱beat而自己喜歡的音樂，這是很個人的，總之就是聽了後會有股想動起來感覺的音樂。





4. 找個有利位置：如去gym room workout，盡量找一個有鏡子，可看到自己前後左右的位置，在運動時看到自己的姿勢和身型，清楚知道自己哪部位和姿勢需要改善。





5. 找個認真的志同道合: 和他一起流汗吧! 這也是很個人的，哈哈！可能認真運動的人會更喜歡自己一個人運動，可按自己能力和興趣而行，不用受人牽制；但我這種不太熱衷的初哥，的確需要一個同伴鼓勵和支持。 如找不到合適人選，我相信找一個能認真督導自己的專業教練也可以吧！像我這種懶於運動的人，是極需要有人guide住，才能持之而恆，向健康的人生進發！









與他一起流汗, 跑步有趣多了!

{www.facebook.com/Kisskidsfamily}

孖寶的弟妺

話說，彭氏夫婦在婚後曾揚言最好生4個，轉眼間結婚已6年多，添了一對孖寶笑呵呵。說好的第三、第四個呢? 請別怪CEO縮沙，湊兩件已是本人極限，再生實在應付不了，所以決定收爐封肚，兩個就夠哂數。

但係有時都會心郁郁㗎，尤其家姐仔母愛氾濫，有了弟弟還想媽咪生個baby girl給她照顧，好似在書店看到一本書，鍾意到要立刻買下來:

本故事講家姐5歳，細佬3歲，媽媽再懷多一個妹妹，我家小姐超有共鳴:

如果上天真的恩賜多個小天使給我，我是高興而不會抗拒的，但現階段我想透過以下的計劃送對弟妹給孖寶會更為適合...

<<樂樂、遙遙就是孖寶的弟妹喇!>>

聖公會聖基道兒童院「樂樂、遙遙」助養計劃

S.K.H. St. Christopher's Home每年為超過500名孤兒或低收入家庭兒童提供住宿照顧或課餘託管等服務，現推行的「樂樂、遙遙」助養計劃，只需每月最少捐助50元或每年600元，便可成為助養人，獲得「樂樂、遙遙」公仔一對，更可透過「助養人活動」，親自關懷兒童；而籌得款項主要幫助孤兒、來自破碎家庭或低收入家庭的兒童，為他們提供物資的支援、功課輔導、情緒輔導、發展潛能的機會及擴闊視野的活動。

有興趣的朋友，可到其網站支持:

http://www.skhsch.org.hk 

{www.facebook.com/Kisskidsfamily}

野餐的樂趣

小女最近不知為何愛上野餐(不知是否學校有教???), 常嚷著要去picnic, 雖然艷陽高照熱到爆炸, 主子叫到, 奴才又豈敢抗命呢?! 妨且野餐有益身心, 一於take action!

去野餐, 可以有好多嘢玩; 首先是準備過程...

[有機紅蘿蔔條及青瓜條, 芝士火腿三文治, 由洗淨,削皮,切件; 全部也有份參與製作, 這亦令彭小姐對是次picnic更有投入感]

因預備食物已花了不少時間, 這次picnic初體驗只好在家附近的公園草地進行:

雖然天時暑熱, 並無損我們野餐的雅興; 咁高興, 一於第二日叫埋朋友仔, 再野多一次:

今次我們去了迪欣湖, 又有青青草地, 又可玩水消暑, 迪欣湖確係一個野餐好去處: 

小鬼們玩得樂而忘返,迪欣湖picnic, we'll be back~

{www.facebook.com/Kisskidsfamily}

Thomas x Winnie crossover

小王子生日在即,媽媽因為忙於策劃他的Thomasland生日之旅,居然忘記了預訂他指定的Thomas蛋糕!

坊間的Thomas蛋糕,大多要數星期前預訂,而且全都要3磅或以上; 但係我只係想有個蛋糕仔過吓癮咋喎,3磅太大喇,食唔哂好浪費.

我自己本身好鍾意幫襯美心西餅訂生日蛋糕,平靚正,起貨夠快,訂大蛋糕有免費送貨服務,唔送貨在家樓下就有一間,自取都好方便.

但係美心嘅Thomas蛋糕要至少兩磅起,而且只係擺塊Thomas朱古力牌上蛋糕面而已...

點算呢?! 應承咗寶貝仔,唔可以食言㗎嘛,um...,不如轉移視線啦!

美心最近推出一款Winnie-the-pooh和Piglet的一磅裝蛋糕,ok喎,sell吓寶貝仔不如要Winnie啦,於是指著蛋糕問他:"你鍾唔鍾意Winnie-the-pooh呀?個蛋糕好靚喎." 小王子答鍾意. "咁不如生日用Winnie-the-pooh蛋糕慶祝啦." 小王子指著蛋糕上的Winnie和piglet朱古力牌道:"佢哋坐喺Thomas上面咪得囉." 即係Winnie-the-pooh同Thomas都要!!!

唔係呀,仔~ 只係揀其中一款咋! 不過最後他還是堅持:"Winnie-the-pooh可以坐喺Thomas上面㗎嘛."

唉~ 真係玩嘢!

好在媽咪心生一計,諗到條絶世好橋!

自己擺架Thomas上Winnie-the-pooh蛋糕度!!! 哈哈哈!!!

登!登!!登!!!登!!!! Ladies and gentlemen: Thomas & Winnie-the-pooh crossover生日蛋糕! 因為架Thomas係僭建上去,Winnie和piglet塊朱古力牌又要重新再插高一些,所以唔係好隱陣.

不過都ok啦,雖然今次Thomas & Friends啲friends唔係James和Percy佢哋,但係都可以同Winnie和豬仔做朋友㗎嘛. 最後寶貝仔開開心心咁切蛋糕,這個crossover僭建蛋糕順利過關,yeah!

芝士牛奶炒蛋

KKF CEO甚少下廚,偶爾弄一個簡單早餐,已足以令大少,小姐和少爺吃得開心滿足,認為媽媽是最好的:

芝士牛奶炒蛋

材料: 雞蛋,牛奶,芝士

1. 雞蛋打匀,燒紅平底鑊後轉中慢火,落油或牛油均可(我愛落牛油夠香!)

2. 蛋漿落鑊後加芝士和牛奶.

3. 唔好炒到咁熟,炒至仍有蛋液和芝士漿便要熄火.

4. 加了牛奶口感更香滑,加芝士可增加濃郁口感,如怕太膩可不加芝士(不過我就是喜歡香濃的芝士味!),簡單又好味!!!

{www.facebook.com/Kisskidsfamily}

生命力

聞說掛一洋蔥在床頭,除了有驅蚊之效,還可減少傷風感冒的機會,不知是真是假,反正只需要一個切開的洋蔥,簡單得很,即管一試.

掛了半個洋蔥在孖寶床頭,忘記掛了多久,期間他們還是有生病過的,所以成效應該不大,但那半個洋蔥竟在沒水沒特別照料的情況下悄悄的生長起來; 日子一天一天地過去,洋蔥一天一天地成長,那生命力令我想起了育兒之道 - 溫室的小花受不了風吹雨打,讓他自由發展,鍛鍊一下,反而可孕育出堅毅不拔,迎難而上的生命力:

{www.facebook.com/Kisskidsfamily}

孖寶逸事

終於可以正式寫番篇踏入2014年的blog了!

新的一年,平凡是福,忙完孖寶學校的assessment(其實唔算好忙,因為小孩還小,迫也迫不來,到最後還是隨遇而安吧!),帶他們看位於尖沙咀的中醫,在附近的見城日本料理吃過午飯,再送他們上學.

見城是一間充滿"日本"味道的餐廳,就是一入到去便看見壽司吧枱的日本師傅,滿席客人亦以日本人為主,彷彿是去了日本吃午飯一趟.

不過這次見城日本料理並不是這篇blog的重點,我想分享的是小鬼們的小趣事...

話說孖寶愛上了吃三文魚子,我們order的sushi set裏剛好有一件三文魚子壽司,孖寶當然對它虎視眈眈了,但我是一個典型的"相機先食"港女媽,所以便拿開了那件三文魚子壽司,要他們拍照後才可吃:

<<家姐乖乖的收起她的心急,合作地望向鏡頭,等待拍好照後才大快朵頤>>

<<冷不防鏡頭以外的細佬悄悄地突襲那件三文魚子壽司...>>

<<情急下的家姐仔... 佢個樣真係好爆笑,wakakaka!!!>>

{www.facebook.com/Kisskidsfamily}

2013年的白色聖誕 - 二世古滑雪及血拼於札幌新千歲機場

此次白色聖誕之旅的重點... 就是歐陽家和彭家兩家小姐在二世古學滑雪:

<<CEO希望孖寶藉著旅行能增廣見聞外,還希望他們能襯年紀少的時候嘗試不同的運動,從少陪養勇於嘗試的精神,心肝寶貝,努力加油啊!>>

4歲小朋友可參加滑雪學校的Powder Puppies班,不用家長陪同,教練會照顧哂她們當天9:30am-3:30pm的滑雪課程和lunch,break time仲有hot chocolate嘆o添; 

當日滑雪學校安排了一位澳洲女教練作她們Powder Puppies班的導師,想不到她們第一次滑雪已可乘Chairlift上山頂再滑落山腳:

<<Powder Puppies出發!>>

<<由山頂滑落山腳>>

至於我們兩家公子 - 彭少爺和歐陽少爺,因唔夠秤,呀,唔係,係未夠年齡(最少要3歲)而冇得學滑雪住,惟有暫且放他們在Day Care Centre,由日本嬸嬸照顧住先:

 <<¥4000(aroundHK$303)暫託3個小時左右的Day Care Centre,內裏有玩具,麵包超人卡通和愉快動物餅提供,當是上了一堂日文playgroup吧!>>

<<哇! 媽呀! 我平時返學個Miss好靚女o架,我唔要雞同鴨講嘅Obasan(日本大嬸)呀!>>

<<Mami去意已決,惟有抺乾眼淚,接受現實... 到Mami嚟接番佢走時,佢已經好熟地頭咁自己攞玩具嚟玩,仲同其他小朋友玩得好開心o添!>>

Settle好哂小姐們和公子們,到我哋大人跟教練去滑雪喇:

彭小子望住人哋滑雪,好想好想玩,CEO心生一計,助他完夢,等家姐仔上完滑雪堂,借佢套equipment一用,帶他到小空地玩玩,彭小子又ok喎,真係跣到兩嘢,哈哈!

除咗滑雪係重點,對小朋友而言,喺Snow Park玩雪都係重點節目之一:

<<美麗的羊蹄山和可愛的小孩們...出發去Snow Park玩雪囉,Let's go!>>

玩雪兜:

整雪球:

砌城堡:

瞓雪地:

遇到會派糖給小朋友的雪地Santa:

旅程結束,最後節目是在札幌新千歲機場食呀食,買呀買:

<<彭主席吃北海道牛奶雪糕,彭小姐則吃她最愛的士多啤梨雪糕>>

<<很香口的即炸北海道薯條>>

<<新鮮出爐的美瑛粟米包:麵包鬆軟,超多香甜粟米,不過要趁新鮮先最好食>>

<<很可惜海膽是禁止出境的,不能帶回家與孖寶婆婆一起品嚐,惟有即席獨個兒鯨吞一盒uni,大滿足呢!>>

經過我們粗略的快速格價,眾多商舖中以這間"北海道物產"賣的海鮮最抵:

"白痴"戀人,Royce'等朱古力不多說了,每間店舖都是劃一價錢,而且香港也有得買; 不過這個Le TAO FROMAGE DOUBLE Cheesecake就真係值得推介,香濃軟滑嘅芝士味,令口腔盪漾著濃厚的北海道芝士風味:

<<¥1575(around HK$120)的Le TAO FROMAGE DOUBLE,名符其實的double cheese,勁香滑的芝士味,喜歡吃cheesecake的人一定會愛上!>>

賣蟹的店舖實在太多了,花多眼亂,最後在感覺較抵的"北海道物產"買了盒蟹套裝回港,結束我們的白色平安夜,返港準備和公公婆婆,還有從英國回來的姨媽媽在家搞個聖誕大餐,慶祝聖誕節!

{www.facebook.com/Kisskidsfamily}