日本新宿六歌仙燒肉

搭了三個多小時飛機到達東京，再乘兩個小時Airport Limousine由成田機場到新宿，在酒店房間settle down後，已是晚飯時間。

好不容易抵達預約了的六歌仙燒肉店（其實不算難找，沿途問了兩、三次路人便可找到，只是天雨關係又帶著孖寶，加添了看地圖找路的難度），點了一個萬葉和六歌仙set，都是那些特上黑毛和牛及松阪牛之類嘅燒肉咁啦，好在之前打咗電話嚟book枱，因為我哋到咗樓下等𨋢時，見到佢哋貼咗張notice出嚟話已full，敬請電話預約，（我諗因為今日係星期日，人客較多啦，其實我都只係之前一日在香港打定嚟make reservation都ok）而且我哋仲有房坐𠻹，啱哂兩隻小鬼可在房內自由活動。

前菜一般啦，無甚驚喜。

食完前菜，還有蟹：

好味!

唔使問我邊碟打邊碟，或者邊碟好食啲，因為要照顧孖寶，都冇好好燒過，燒肉呢part工作全由彭主席負責，不過無論係特上黑毛和牛定松阪牛，用好新鮮嘅菜加麵鼓(Miso味噌)包住嚟食，都係咁好味，我哋一家四口一致讚賞，oishii ne! 難怪旅遊書和彭主席在日本的友人均分別推介此店，真係掂！

食完燒肉，可揀不同的粥、麵或飯：

蟹粥好淡，麻麻地。

Crab Gukbap好食好多！

不得不提這裏的鼓油，幽幽的芝麻味香甜無比，好食到彭小子猛咁齋點啲鼓油嚟食：

最後有荔枝和唔知乜味雪糕做甜品，味道很好，侍應哥哥還送了兩枝迷你冰條給孖寶吃；好豐富、好好食的一餐燒肉，兩個餐足以食飽兩個大人兩個小孩，食完我哋好滿足咁行下新宿車站消化吓先返酒店。大家下次嚟東京，都不妨訂定位嚟新宿食六歌仙燒肉啦：

www.rokkasen.co.jp

{www.facebook.com/Kisskidsfamily}