PMQ原創坊

本身對1600隻假熊貓興趣不大，只想到PMQ走走，八吓這個由前警察宿舍變身而成的新蒲點，不過去到，點都順便影番張湊熱鬧的熊貓照:

已經特登weekday去，但係都係又熱又多人，PMQ嘅marketing做得好成功，同樣是用舊建築活化而成的石硤尾創意藝術中心，在吸引人流方面，真係同PMQ冇得比，PMQ呢1600隻熊貓，確實功不可抹。

行吓原創坊入面嘅店舖之餘，在走廊位置都有啲影相位可以影吓相：

[扮瞓覺嗰樣同個公仔好配合]

[見到家姐扮瞓覺，佢又要扮]

其實入面啲嘢賣得唔平，不過幾有特色和有啲嘢真係幾靚:

行到又熱又攰，坐低食個下午茶唞吓：

賣相精緻便精緻了，但$200就像一陣風... 不是我這種要實實在在食到好飽暖的那杯茶!

我哋在一懷舊玩具舖裏買了兩隻恐龍蛋：

兩隻小鬼珍而重之，彷彿它們真的有生命似的，回到家急不及待用水浸著它們，期待它們快點破殼而出：

[要浸大約一天，恐龍蛋才會慢慢溶化裂開；等待期間，他們不斷拜神似的，猛咁祈求兩隻恐龍快啲出世。］

等到第二天，有啲眉目，佢哋真係好緊張咁密切觀察住恐龍嘅出世情況：

我想訓練他們多點耐性，要他們等到恐龍完全脫離蛋殼才可拿出來玩:

終於等到兩隻恐龍從蛋殼內完全"走"了出來，小鬼們均很雀躍，要用小花籃載著它們:

當然玩沒多久，這兩隻恐龍便變成玩具堆中的其中一員，小鬼們不再為它們緊張雀躍了；但看到小孩曾經為兩只塑膠而期待萬分的過程，倒是挺有趣的。

後記: 等到家姊張師奶和兩位張小姐回港後再去了PMQ一次, 1600隻熊貓搬走了, PMQ也變得水靜鵝飛, 要再現人氣, 可得再諗諗計, 搞搞新意思了.

{www.facebook.com/Kisskidsfamily}