荔枝角六本木

話說家姊發現了在家附近有一日本料理，老闆健談好人，食物有水準，說了良久，終於有時間一試。

是晚小朋友的重頭戲，非流水麵莫屬，大家記得記得要預訂:

兩姊弟一個放，一個接:

都幾合拍喎！

除了好玩流水麵，我家小姐發現了鄰枱杯飲品又有得玩，其實只是把用玻璃管盛着的蜜桃汁倒進梳打裏而已，但小鬼們又覺得好好玩噃:

兩款小食一掃而空，尤其是東風螺，充滿白蘿蔔甜甜的味道:

玉子軟軟綿綿，滑滑溜溜:

這個南瓜，大家有得睇冇得叫嚟食㗎！因為孖寶婆婆剛病癒，細心嘅老闆特登叫廚師整㗎，menu沒有的, 清清哋：

病人食嘢要清清哋，我哋冇病嘅，當然都要清清哋... 整盤刺身咁啦😆😆😆:

好難得在荔枝角區食到咁新鮮嘅飛機貨！

好甜蘿蔔味嘅漬魚：

燒物都好味，煙肉荔枝卷、牛舌、雞腎、黑松露燒蝦和燒鰻魚，帶鹽味得來又juicy:

鹽燒三文魚餃深得大、小朋友喜愛，啖啖肉燒得又香又惹味：

清酒煮蜆啲蜆夠肥大，唔會奀奀瘦瘦，再多啲清酒香味會更好：

蝦米飯好香好香蝦米味:

最後以我忍不住要連吃兩杯的creme brûlée作為完美的句號:

老闆好傾, 食物好味, 又玩又食又傾, 想不到荔枝角有這樣的一個好地方。

{www.facebook.com/Kisskidsfamily}