時值7月上旬, 也許富士急樂園位處近郊, 晨早一陣陣山風吹得我們要加添風衣, 燦爛陽光加上清風送爽, 天氣認真一流, 加上7月中才到旺季, 現在人流稀少, 無論在酒店, 溫泉和樂園內, 均玩得很輕鬆自在.
Highland Resort的住客可享特惠門票, 兒童可玩哂整個富士急樂園內的遊戲門票只需2300yen, 比淨玩Thomasland門票(2400yen)還要便宜.
我們大人因不玩樂園內的超刺激機動遊戲(老了???!!!),只是旨在陪小姐少爺玩Thomasland, 所以我們成人在樂園售票處購買限定在Thomasland內任玩的3200yen門票.
入到園內, 只要跟著地下的藍色線, 便可到達在摩天輪附近的Thomasland入口:
門口有Thomas & Friends紙牌可以續個續個拍照:
進入Thomasland後, 有一架大大架的Thomas火車歡迎我們:
車廂內可按氣笛peep peep響, 小鬼們玩這個玩意兒已經玩得夠開心了.
拍完照, 開始玩遊戲, 雖然啲遊戲好低b, 但足以令2~6歲嘅小朋友腎上腺素急升:
Harold直昇機，香港迪士尼內的小飛象比它刺激十倍，寶貝們玩完一次後，已沒有想再玩的意欲，應該是不太夠刺激吧。
Duncan過山車算是園內最刺激的了, 要滿3歲才可以玩，孖寶玩完再玩又再玩，幸好當天人流稀少，完全不用排隊.
Video: http://youtu.be/rMkFvJZ50g0
Whirl around the depot, 彭小姐玩完後拋下一句淡淡然的comment: "這個是給baby玩的." 可想而知不用encore再玩了。
不過不得不讚日本人的敬業樂業, 每程"BB車"開動, 工作人員都會投入地用搖鈴打打拍子, 製造歡樂氣氛. Video: http://youtu.be/hum9PAbiDg4
衝浪小船逐格睇:
坐完衝浪小船，我哋入咗山洞坐Thomas礦車(The great adventure)，這是細佬最喜歡的遊戲之一:
入到去啲場景都幾靚:
Video: http://youtu.be/IamuBmY5-hc
[去到一排幾架火車頭的depot位置會有影相位,記得對準鏡頭影張靚相!]
Video: http://youtu.be/gFLoDFX30ks
Video: http://youtu.be/MdwU5DIj6Bs
玩到咁上下，午飯時間，我哋當然係幫襯Thomasland入面嘅餐廳啦:
醫飽咗個肚，我哋就啱時間到餐廳隔鄰的3D影院睇戲，片場大概15-20分鐘，由真人與Thomas火車頭公仔對話開始，跟住戴上眼鏡睇3D電影，因場內不准拍攝，所以未能提供照片或video和大家分享:
此外還有一個蚊型迷宮:
除了近入口有架大Thomas, 行到樂園最入近迷宮附近還有一架大Percy:
[佢對眼會轉o架!]
Shopping時間:
[Thomas產品,琳瑯滿目]
本來想買這款內有零食的袋給家姐:
點知家姐唔要, 堅持要揀鎖匙扣:
細佬則揀了Thomas玩具列車:
另外,有一Thomas膠杯值得推介:
[內有Thomas啫喱]
[杯蓋不算難打開,但防漏功能良好,很適合給小朋友帶回學校作茶點斟水時用]
[商店內設有玩具角供小孩玩耍,父母大可安心購物]
最後我們在一幅由許多細小圖畫組成的大型圖畫前留影,便離開這個細佬夢寐以求的Thomasland了:
經過在Thomasland外面的摩天輪,彭小姐嚷著要坐,ok ok, let's take the ride:
[在摩天輪上鳥瞰下的Thomasland入口,右邊的Thomas小火車因例行檢查的關係而與我們緣慳一面]
整個Thomasland面積不大, 除上述小火車玩不到外,其餘遊戲我們玩完又玩,都大概只玩了四個多小時左右, 之後我們便預啱時間, 乘搭15:23的Thomas列車前往河口湖, 因篇幅太長, 留待下篇再講好了(待續)...
