流行首爾 - 兒童大公園

純粹為小朋友而設的行程，因為他們快樂，我們也便快樂...

兒童大公園，冇乜特別，勝在免費可以睇吓動物:

有個以Peter Pan為主題的動物show，唔記得幾錢，流流地，不過每逢有動物出場，小孩們均很興奮。

有海獅:

有鸚鵡:

有企鵝:

有豬仔:

有猴子:

海獅和猴子扮Captain Hook很怕的鱷魚時，扮相很可愛唷:

兒童大公園適合行程很hea時帶小朋友去，但如行程緊湊，便不要浪費時間，把時間集中火力在樂天世界或我們今次沒去的Aquarium吧(友人去完覺得ok)!

～待續～

{www.facebook.com/Kisskidsfamily}

流行首爾 - 冰火之旅

嚟到龍平滑雪場呀，唔滑雪做乜好呀? (要用猜麥記枚的聲調"嚟到麥當勞呀，食啲乜嘢好呀?"來說...哈哈哈!好無聊喲!)

除了上篇提及的滑雪和水泡滑道，還可以去Water Park玩水。

零下四度玩水:

除了小小的室外游泳池，其餘均是室內的；我家小姐最喜歡人造浪泳池，著住救生衣在波浪中暢泳(佢真係當自己係一條精通泳術嘅小魚仙^^")，而我家少爺則喜歡一條小小的海䐁滑梯(家姐仔好不屑咁話俾BB玩嘅，係係係，知你大個女唔再係BB喇!)

而我自己則喜歡要坐四人橡皮水泡玩的巨型滑梯，有一兩下離心力拋一拋，幾好玩得來又不會太激(太刺激的唔啱我!)。

除了零下四度玩水，souvenir shop 還有神仙棒煙火賣，今次仲唔玩齊冰火???!!!

其實仲有一個最容易又免費的活動，隨街可玩到，就係玩雪嘞:

適逢1月1日除夕，酒店有New Year Party，不過小朋友要早睡早起，我哋影吓相感受吓氣氛就算咯，踏正12點，一家四口攬住去搵周公倒數好過!

{www.facebook.com/Kisskidsfamily}

流行首爾 - 龍平滑雪場Alpensia

龍平滑雪場，嚟過韓國滑雪嘅港人應該唔會陌生，相比之下，我哋上次去Niseko二世古Hirafu好好多，有專為初學小孩而設的滑雪課程，不用父母陪同，自己跟教練上山玩，滑雪之餘又會同佢哋玩吓砌雪人、飲吓熱朱古力咁，佢哋又幸運地跟著個年輕澳洲女教練，英文溝通冇問題，玩得好開心，亦令佢哋對滑雪這玩意留下美好印象; Alpensia這裡沒有相關課程，唯有和朋友兩個家庭book兩個教練，一家大細一齊玩啦(事後證實大人小孩分開學會好好多)!

Hello Kitty準備好去滑雪了喔!

小朋友有父母在身邊便會依賴，加上韓國教練英語水平真係有限公司，小朋友和他們溝通唔到，嘥氣! 

不過都叫做俾佢哋感受下滑雪咁囉~

(下次book講國語的教練可能會好一點?!)

滑雪似乎唔係小朋友最喜歡的項目，因為以下這個水泡滑道，小鬼們先玩到𠵱嘩鬼叫，興奮莫名。

自己拉個水泡沿住行人電梯上去:





























https://www.youtube.com/watch?v=8eQHe6qEzIo

好在是買了任玩那款票，可以玩完一次又一次, 試勻唔同花式, 一個小朋友滑下來又得, 兩個小朋友一起又得, 一大一小亦得。

滑雪和水泡滑道可算是龍平滑雪場的重點項目，其餘節目有乜好做呢? 留待下篇"冰火之旅"再談。



{www.facebook.com/Kisskidsfamily}

流行首爾 - 平昌鱒魚節

最近杜如風的流行首爾被網民熱烈討論，毀譽參半，我是一個難得先有假放嘅奴婢，忠心服侍主子，無暇收看，不過倒想分享下剛渡過的韓國跨年滑雪之旅，流行稱不上，但夠哂親子。

在仁川機場乘坐已預先confirm的直通巴士往平昌Alpensia(龍平滑雪場)的酒店，一到埗，在酒店外玩雪已經是小鬼們很喜歡的節目:


大發現! 在便利店發現瘋神甜筒:




另外天寒地冬在便利店飲番樽熱薑梨茶也不錯:


第二天，我們沒立即滑雪，而是去了平昌鱒魚節:


進場後即有一冰滑梯，夠哂跣，好玩!

小朋友們拿著蚊拍做乜呢?


呢個美女坐喺度又做乜呢？哈哈!


我哋釣緊冰洞下面的鱒魚哦!






釣鱒魚期間場內有小食攤檔，在嚴寒天氣下，食番啲熱嘢寧舍保暖，因為我哋之後可以即席食番我們的戰利品，所以要留肚，和朋友仔一起分享一條大香腸就好:


釣到的鱒魚有兩種吃法，用錫紙包好放進爐內燒的:




刺身食法的:


兩種食法各有風味，配個鋁煲烏冬立時暖笠笠:


食食吓突然有得揼糯米，小鬼們當然唔會放過，一湧而上啦:


https://www.youtube.com/watch?v=w8rAtCCGBRo


在平昌鱒魚節玩了半天，下篇到戲肉 - 龍平滑雪場Alpensia 。


{更多精彩內容, 請like: www.facebook.com/Kisskidsfamily}