孖寶公公生日飯@辣蟹舫

孖寶公公生日，通常會揀中菜小炒餐館，老人家嘛，對中餐情有獨鍾。

今次揀咗長沙灣的辣蟹舫。

先來兩碟冷盤: 話梅涼瓜和燻魚。

不過不失啦，話梅涼瓜不及另一家同在長沙灣的餐館做得好；介紹埋都係普普通通的菜式先:


嚟到辣蟹舫，梗係食辣蟹啦。孖寶婆婆喜歡胡椒辣蟹，所以我們沒有點這裡的招牌菜式 - 避風塘炒蟹。

結果是中伏啦，人家鄰桌的避風塘炒蟹賣相幾吸引咁喎；反之我們的胡椒辣蟹就有點失色了，唔夠故椒香味，和星加坡的胡椒辣蟹冇得比。

雞煲都ok嘅，但啲雞有少少唔夠滑囉:


素翅炒蛋叫給小朋友的，是一道好好送飯的菜色:


啫啫芥蘭煲略嫌不夠穫氣:


椒鹽九肚魚夠惹味:


砵酒桶蠔出事啦，上桌時一pat嘢咁，完全冇蠔味，更冇砵酒煮的香味:




最出色的是黃金流沙蝦球，蝦夠大隻又爽口，咬落去每一啖均有鹹蛋的鹹香，整晚唯獨此菜式值得俾笑臉good comment：


生果盤和甜品是送的，雖然免費啫，點解唔用一隻細啲嘅碟？搞到幾嚿生果零零星星、疏疏落落咁散佈在隻大碟上，送都要送得靚啲，講究吓presentation嘛：




是晚生日飯，亮點並唔係餐飯，而係這座大廈的停車場是用汽車升降機的，連人帶車一齊搭𨋢，搞到兩隻小鬼wee嘩鬼叫，極度興奮，真係估佢唔到!




{www.facebook.com/Kisskidsfamily}

麥當勞的新意思

我很喜歡吃麥當當的蘋果批，外皮夠脆，內裏蘋果粒和汁夠甜。

我也很喜歡蘋果批加雪糕新地的配搭，冷靜(雪糕)與熱情(熱辣辣的蘋果批)之間，是麥當當獨有的雪糕蘋果批口感，甚至比一般餐廳賣的雪糕蘋果批更得我歡心。

早陣子試了新地菠蘿脆，還是鍾情經典的蘋果批，可能是菠蘿粒沒有蘋果粒那種溶溶軟軟的口感。

沒多久，麥當當又推出了黑白配，這次是甜甜的椰子粒，幾特別噃，但我還是最愛不朽的的蘋果批。

麥當勞食物的水準每況愈下，尤其是薯條，和兒時吃的相差很遠很遠，現在吃到的，奀奀瘦瘦又不夠香脆，唯獨是新地蘋果批，我情有獨鍾。

每當孖寶要吃開心樂園餐時, 我的下午茶便會是一杯又軟又滑的軟雪糕加又熱又甜的蘋果批。

{www.facebook.com/Kisskidsfamily}

生日包場@Number Fifteen

CEO又大一歳喇，個個做人阿媽的，都是邊做邊學，所以我都繼續和我家孖寶教學相長，孩子就像父母的照妖鏡，陪著他們成長的同時，自己也長大不少。

今次慶生，在工廈搵食，找到一間未去過的試試。

可能位於15樓，名字便叫number fifteen吧。

脆薯球是整晚最差的菜色，外皮炸得不夠香脆，入面的薯蓉又不夠香滑，好乾的感覺...

最出色的是南瓜和磨菇湯，好足料，入口順滑之餘又食到粒粒南瓜和磨菇，非常好飮:

最差和最好的已經介紹了，其餘菜式均相當不俗，鵝肝配蘋果粒，在油膩與清新之間取得了平衡:

充滿濃濃的蛋和肉味:

Pizza和羊扒比較普通:

餐廳都幾有心，臨時知道是本人生日，送上好吃滑滑的芒果布甸和奶凍甜品賀一賀我，最特別是餅房師傅已收工，沒有朱古力醬，咁啲字用乜寫呢?

原來腦筋急轉彎，臨時臨急用醋寫㗎！

因為位處工廠大廈，晚上格外僻靜，這晚只有我們一枱客人，令CEO意外地包場，過了溫馨而平靜的一個晚上。

{www.facebook.com/Kisskidsfamily}

祥興記上海生煎包

今日專程去荃灣楊屋道街市買餸，嘩，魚檔啲魚種類又多又平，朋友介紹去三昌買牛肉，啲牛肉確係得喎！

買完餸, 駕車駛去川龍街的祥興記上海生煎包，舖面雖小，都算乾淨企淨，外賣拎走在車上吃，紙盒盛載，乾淨利落。

7元大大個生煎包，紙盒一打開已被家人火速挾了三個，留下最後一個總算影到張相。

($7x4=$28)

又確係好juicy多汁，外皮亦煎得香脆，好味唷! 唯一有少少挑剔便是啲肉有點嚡，但都算很有水準，諗起都有啲想再食㖭！

{www.facebook.com/Kisskidsfamily}

隱世的Cafe Tolo

今日好有閒情逸致，同親友去咗中文大學欣賞地靈人傑的湖光山景色。

親友帶咗我哋去山上一間cafe食雪糕，叫Cafe Tolo，位於和聲書院，都幾隱世(揸車上去沿途均沒有路牌指示)，可先跟聯合書院的路牌指示，見到聯合書院再繼續向左邊山上前進(如果我冇記錯的話)便可去到。

到達Cafe Tolo後果然別有一番光景，吐露港景色盡入眼簾，令人心曠神怡。

小鬼們最愛的香蕉船:

心太軟:

這裏用的是Movenpick雪糕, 價錢相宜, 講真, 香蕉船和心太軟這兩款甜品好難失手整得唔好食, Cafe Tolo這裏的甜品都OK, 雖然香蕉船的waffle不是新鮮即烘的香脆格仔餅, 但香蕉加雪糕加忌廉和朱古力醬的配搭, 總算滿足了小鬼們的要求, 面頭還有幾粒美祿可可球，盡收畫龍點睛之效，令他們吃得份外開心。

心太軟做到外脆內暖的基本流心效果，再加西瓜藍莓等生果點綴，令整個甜品不會太甜膩。

在隱世的環境中, 嚐一口雪糕, 呷一口熱茶,  和家人一起, 拋開世俗煩囂, 過了一個非常悠閒的下午.

{www.facebook.com/Kisskidsfamily}

又一城飲茶首選 - 八月花

溜冰公主在又一城完成溜冰比賽，去了超多人排隊的八月花飲啖茶，食個飽，幸好預先攞定籌，行一陣隔鄰的Franc Franc，等了一會便有位入座。

如果在又一城飲茶，我家小姐和少爺都幾鍾意話去八月花，我想和"八"、"月"、"花"這三個字他們都會讀，夠簡單有關。

八月花是美心集團的，食物能保持一定水準，而叉燒包、奶黃包、腸粉、煎蘿蔔糕和蛋撻仔是我們的飲茶至愛。

奶黃流沙包，夠流沙，love it~

蘿蔔糕和煎釀三寶呢啲香口嘢，梗啱我哋，蛋撻仔都不錯，皮香蛋滑。

蛋散都好味，小鬼們則最愛伴碟的糖絲。

每次來幫襯，食物雖沒有大驚喜，但總能保持一定質素，怪不得其門如市，假日等位必定人山人海。

{www.facebook.com/Kisskidsfamily}

Harbour City Page One內的Forestry...罕見的哭臉出現了!

我家小姐學校假期，送了細佬上學，便兩母女搵節目。

除了因小孩學溜冰而常去的又一城，還有一個"城"也是比較常去的，便是海港城，既可shopping，又可去Page One hea。

海港城的Page One又大又行得舒適，有書籍, 有花舖, 有生活用品, 有餐廳, 好好行! 同得個女去，通常都在兒童圖書區內流連，內裏更有玩具玩㖭:

揀選了心頭好，還選了一本送給細佬:

Hea完，醫肚時間，Page One內有一Forestry Cafe，白色主調，光明几淨，環境清幽，便兩母女入內嘆番個afternoon tea。

大家有冇見到個tea set架是傾斜就跌就跌咁款?

三層食物的排序怪怪的，味道也不能說好吃，$328一個二人afternoon tea set，兩母女平均$180(加一後)，這個質素，我下次還是行遠少少去Cova吃好了。

我好少在Open Rice給哭臉, 但這個不算便宜的tea set真的不達標, 希望有關人士看到, 不要介意, 努力改進, 至少給客人一個物有所值的感覺吧!

{www.facebook.com/Kisskidsfamily}