偷得浮生四日閒@布吉吃喝玩樂篇

除了在resort hea,我們也有到市內走走:

Phuket Town的夜市 - 不知是否剛去了一趟台灣,不期然會拿兩地的夜市相比,台灣小食啱口味好多,台灣夜市大勝!

LardYai大坡 - 這個地方有點像China Town,展示了當地多年前的居所外貌,而

這裏的夜市是逢星期日才開的,挺有懷舊特色:

當然還有在巴東Patong吃飯啦:

在布吉吃有view的海鮮,最出名莫過於Lotus:

由黃昏食到夜幕低垂...

Lotus Restaurant確係名不虛傳,環境和食物質素不錯,最重要是價錢相當合理. 當晩我最欣賞巨型獅蚶,steamed cockles(1kg)只需220泰銖(約港幣55元),粒粒肥美爽口,食得我好滿足!

另一道是Chef's recommendation - Tiger Prawns with Tom Yam Sauce,都只是560泰銖(約港幣140元),it's really a nice dinning place!

至於行街shopping,夜市我麻麻,感覺還不如香港的女人街和廟街; 我哋駕車往巴東途中,路經一outlet:

~Premium Outlet Phuket~

Outlet亦唔係我杯茶,不過叫做有多一個行街嘅選擇咁囉.

嚟到泰國,唔做番個massage & spa都唔似嚟過泰國,在布吉工作的香港人介紹了我們去Let's Relax,環境當然同resort嗰種清幽冇得比,不過價錢差不多平成半,網上三日前預先付款還有85折呢!

嘆完massage & spa,等我講吓我哋join local tour去James Bond Island嘅片段:

乘speed boat去第一個島睇猴子.

跟住去另一個島 - James Bond Island,就是一部電影,帶旺了這個島的旅遊業:

拍照指定動作 - 用手指勾住兩個小洞,令自己傾斜而不倒下來.

午餐於這些水上屋,旅行團餐,都不能講究食物質素了~

這個local tour的重點節目 - Canoeing:

坐住隻艇欣賞奇山異石,都幾寫意...

穿過漆黑山洞後,原來別有洞天...

最鬼馬係後面划船嘅船伕會無端端拎塊心形葉出嚟幫我哋影相:

真係好鬼sweet~

行程最後的一個島,節目係... hea!

個沙灘水清沙幼,又有燒粟米食,又有菠蘿特飲飲,hea得好舒服,如果香港啲沙灘有咁好就正咯!