隱世的Cafe Tolo

今日好有閒情逸致，同親友去咗中文大學欣賞地靈人傑的湖光山景色。

親友帶咗我哋去山上一間cafe食雪糕，叫Cafe Tolo，位於和聲書院，都幾隱世(揸車上去沿途均沒有路牌指示)，可先跟聯合書院的路牌指示，見到聯合書院再繼續向左邊山上前進(如果我冇記錯的話)便可去到。

到達Cafe Tolo後果然別有一番光景，吐露港景色盡入眼簾，令人心曠神怡。

小鬼們最愛的香蕉船:

心太軟:

這裏用的是Movenpick雪糕, 價錢相宜, 講真, 香蕉船和心太軟這兩款甜品好難失手整得唔好食, Cafe Tolo這裏的甜品都OK, 雖然香蕉船的waffle不是新鮮即烘的香脆格仔餅, 但香蕉加雪糕加忌廉和朱古力醬的配搭, 總算滿足了小鬼們的要求, 面頭還有幾粒美祿可可球，盡收畫龍點睛之效，令他們吃得份外開心。

心太軟做到外脆內暖的基本流心效果，再加西瓜藍莓等生果點綴，令整個甜品不會太甜膩。

在隱世的環境中, 嚐一口雪糕, 呷一口熱茶,  和家人一起, 拋開世俗煩囂, 過了一個非常悠閒的下午.

{www.facebook.com/Kisskidsfamily}

又一城飲茶首選 - 八月花

溜冰公主在又一城完成溜冰比賽，去了超多人排隊的八月花飲啖茶，食個飽，幸好預先攞定籌，行一陣隔鄰的Franc Franc，等了一會便有位入座。

如果在又一城飲茶，我家小姐和少爺都幾鍾意話去八月花，我想和"八"、"月"、"花"這三個字他們都會讀，夠簡單有關。

八月花是美心集團的，食物能保持一定水準，而叉燒包、奶黃包、腸粉、煎蘿蔔糕和蛋撻仔是我們的飲茶至愛。

奶黃流沙包，夠流沙，love it~

蘿蔔糕和煎釀三寶呢啲香口嘢，梗啱我哋，蛋撻仔都不錯，皮香蛋滑。

蛋散都好味，小鬼們則最愛伴碟的糖絲。

每次來幫襯，食物雖沒有大驚喜，但總能保持一定質素，怪不得其門如市，假日等位必定人山人海。

{www.facebook.com/Kisskidsfamily}

Harbour City Page One內的Forestry...罕見的哭臉出現了!

我家小姐學校假期，送了細佬上學，便兩母女搵節目。

除了因小孩學溜冰而常去的又一城，還有一個"城"也是比較常去的，便是海港城，既可shopping，又可去Page One hea。

海港城的Page One又大又行得舒適，有書籍, 有花舖, 有生活用品, 有餐廳, 好好行! 同得個女去，通常都在兒童圖書區內流連，內裏更有玩具玩㖭:

揀選了心頭好，還選了一本送給細佬:

Hea完，醫肚時間，Page One內有一Forestry Cafe，白色主調，光明几淨，環境清幽，便兩母女入內嘆番個afternoon tea。

大家有冇見到個tea set架是傾斜就跌就跌咁款?

三層食物的排序怪怪的，味道也不能說好吃，$328一個二人afternoon tea set，兩母女平均$180(加一後)，這個質素，我下次還是行遠少少去Cova吃好了。

我好少在Open Rice給哭臉, 但這個不算便宜的tea set真的不達標, 希望有關人士看到, 不要介意, 努力改進, 至少給客人一個物有所值的感覺吧!

{www.facebook.com/Kisskidsfamily}

在又一城吃Gelato的好去處 - 2/3 Dolci

在又一城經過一間open cafe, 被我家小姐𥄫到一款兔仔甜品，時值復活節，小鬼們說是Easter Bunny，真係好鬼死可愛，忍唔住應佢哋要求買咗一件嚟試吓。

意粉和麵包只是我們這餐的配角，味道好不好沒人理會(其實也ok啦)，小鬼們的焦點只在那隻Easter Bunny。至於它的味道嘛, 就是酒店裏raspberry或strawberry mousse的甜品, 沒甚太大驚喜, 純以精緻賣相取勝. ($60/person on 8th Apr 2015)

反而某日我家少姐想吃雪糕, 我嫌Haagen-Dazs和Cova遠, 所以帶了她來離溜冰場最近的2/3Dolci吃gelato.

我一向只鍾情朱古力呀, Cookies & Cream呀那些甜甜的口味, 但我家小姐偏偏每次都揀我不太喜愛的士多啤梨味:( 

這裏的strawberry gelato味道又幾好噃, 不太甜又不太酸，亦夠奶香和滑溜, 是KKF在又一城吃Gelato的新發現。

{www.facebook.com/Kisskidsfamily}

體驗香港特色 - 汽車升降機

兩隻傻豬同架車一齊搭升降機居然會興奮成咁!!!



諗諗下... 如果香港唔係彈丸之地, 停車場都唔使用這種汽車升降機啦, 其實都算係香港特色的一種體驗噃~



{www.facebook.com/Kisskidsfamily}

用火車餐俘擄小孩的Dan Ryan's

又一城裏，我家少爺最愛Dan Ryan's，全因酒吧上方有一輛會不斷兜圈行駛的小火車，熱愛程度，是他三歳生日時也要選這餐廳來慶生。

除了酒吧上的小火車吸引，還有他們入座時會供應crayons和kid's menu，單靠這小小玩意已能成功俘擄孩子們單純的心靈。

最近，Kid's menu的菜式轉了用紙火車裝飾，此舉當然令孖寶更愛這裏的兒童餐啦:

我本身很愛吃macaroni & cheese和grilled cheese sandwich，但只有kid's menu才供應，幸好我有這對活孖寶, 讓媽媽也可名正言順地吃到兒童餐.

 這裏的兒童餐甜品是綠蘋果和香橙等生果，都算健康，總比一些兒童餐的甜品是啫喱為好.

話時話, 這裏的兒童餐真係好味過大人餐, 大人的食物味濃偏鹹, 反而兒童餐更啱我胃口.

{www.facebook.com/Kisskidsfamily}

3.9澳洲牛奶卷@美心西餅

行過美心西餅，見到黑白色的3.9澳洲牛奶卷，好cute吖，買個來給孖寶做下午茶試吓先。

平時佢哋好鍾意食瑞士卷㗎，點知今次呢個黑白乳牛卷，佢哋食咗一啖就唔食喇，話唔鍾意啲cream喎。

佢哋唔食，唯有我同老公食埋佢啦，我哋覺得好好味喎，夠哂香濃軟滑，不過食多幾啖後好快覺得好膩，唔食得多；好味又夠cute，真係唔多明點解得唔到孖寶嘅歡心??? 可能佢哋諗住係Swiss Roll，啲cream唔應該多到咁啩?!

{www.facebook.com/Kisskidsfamily}

大煲皇

唔嚟開唔覺，長沙灣一帶原來有很多雞煲火鍋食肆。

今次幫襯的大煲皇，樓面一般ok啦，但剛巧看見鄰桌一豪邁男子脫了鞋把一雙乾得龜裂的腳放在另一椅子上，當堂印象分大扣、胃口大減。

倒胃的還是不要提，講番啲美食。炸魚皮不錯，都幾香脆:

其餘食物的質素不算突出，但又不差，豬腰呀、豬肺呀、桶蠔呀都是我的至愛，但欠了一款令人印象深刻的招牌菜式，最後一提是我記錯了"春菜"為"春菊"，本應是想點類似皇帝菜的春菊，點知點了類似芥蘭的春菜，但這全是自己的錯，與人無尤，不關大煲皇的事。

如果打邊邊, 我還是比較喜歡新鮮的食材配以清甜的湯底(即係芫茜皮蛋呀, 沙嗲呀, 蕃茄豬骨呀那些)多點, 始終雞煲的濃味不太能凸出打邊爐應有的鮮味喔!

{www.facebook.com/Kisskidsfamily}

懷舊的香城茶室

因為我家小姐學校outing去參觀香港歷史博物館的俄羅斯宮廷文物展 - 皇村瑰寶, 為娘的又去沾染一下文化的氣氛：

展館內不准攝影，參觀完，去了位於館內的香城茶室，同孖寶婆婆坐吓，飲番杯嘢，嘆個下午茶。

茶室玩懷舊feel, 孖寶婆婆好like, 啲卡座呀、膠滕椅都幾有香港幾十年前嘅特色，座落於香港歷史博物館，這茶室也蠻特別的。

食物當然有懷舊的菠蘿油和茶餐廳熱奶茶，婆婆點了熱0T，另外點了一份蛋牛治給孖寶作放學後茶點。

熱奶茶一般啦，菠蘿油有點與傳統不同，沒有傳統的鬆軟，我想是現代人講求健康，沒有落豬油的緣故吧。

和媽媽看完展覽，再懷舊一下，這間香城茶室簡單得來都幾得意吖。

{www.facebook.com/Kisskidsfamily}