流行首爾後記之面膜俠唔易做

在家敷媽士，算係最容易嘅肌膚保養，只需花上20分鐘，皮膚狀態得到明顯改善，韓國面膜五花八門，去了一轉入貨，化身面膜俠, 敷個不亦樂乎，親身體驗哪隻韓牌最强，不過試得多都唔係冇瀨嘢風險㗎，有一兩款試完立即生暗粒:

不過呢，少少暗粒無阻我要化身做面膜俠嘅決心，因為試唔啱最多生暗粒，試得啱就真係可以為肌膚注水, keep住水嫩回彈，終身受用。根據實戰經驗，護膚品就算再好，也不要用死一隻牌子，因皮膚和人一樣有惰性，太習慣某一產品，它的功效會大不如前，加上沒有一隻產品是完美的，試了兩、三款覺得好的，交替使用，可取長補短，所以面膜我也是數款交替來敷。

暫時最深得我心的，是CHA:LAB Hydro Ampule Mask:

很貼面，夠補水，敷完皮膚緊緻。

另外一款同樣保濕一流，肌膚注滿水份自然Q彈，唯一不喜歡是敷頸的那部份不夠貼，要舒舒服服地躺下來敷，不過我敷緊mask時鍾意用電腦，所以覺得有少少唔方便，但係效果好好所以我都會繼續用:

<SCINIC Black Dual Mask>

驢奶mask我在之前的blog也介紹過，朋友推介，敷完皮膚明顯白滑咗，缺點是好易爛，鼻孔位置做得不夠好，會隨著呼吸起伏，雖然係咁，但因功效顯著，還是值得大手入貨。

<SKIN CERAMIC Donkey Milk Hydrogel Mask Pack 驢奶mask>

ÉTUDE HOUSE的Darling Hydro Mask也不錯，美白效果雖不及驢奶mask，但敷完後都會明顯滑咗和緊緻咗，而且沒有驢奶mask那麼易爛和鼻孔位置不會隨著呼吸起伏:

<Left: ÉTUDE HOUSE Darling Hydro Mask, right: SCINIC Black Dual Mask>

暫時講住四款心水先，遲啲再陸續試吓同大家分享吓有乜好嘢~

{www.facebook.com/Kisskidsfamily}

{http://kisskidsfamily.blogspot.com}

流行首爾 - 樂天世界

十九幾年前曾玩過樂天世界，本身唔太好刺激的機動遊戲，感覺又舊，公仔又娘，想不到十九幾年後，為了心肝寶貝，要再來一次。

不過今次同小朋友親子遊，心態和之前來的那次很不同，他們快樂自己也便快樂，發覺原來樂天世界也不太差喔!

一到埗，先到酒店settle down，到了卡通樓層，一出𨋢，立即嘩嘩聲!

開心嘅程度，從面上嘅笑容已經感受得到。

還有禮物仔送給小朋友:

朋友仔過房一齊玩最開心!

夜晚對著樂天世界的景色都幾浪漫: 

在卡通房內, 唔係講笑, 真的睡得特別香甜:

第二朝, 一覺醒來, 就像已置身在遊樂場中...

因有大半天用了來吃美食和鳩嗚, 只有小半天入樂園內遊玩, 人流亦多, 所以玩到的遊戲不多, 不過都算玩了孖寶最想玩的兩樣 - 乘小火車和搭熱氣球.

園内公仔和迪士尼的當然差幾皮, 不過都吸引到小朋友:

場內有3D照相館, 勝在唔多人, 唔使點排隊, 行埋去就影得:

我喜歡這幅"拿著雨傘的女孩"^^:

這列架空小火車, 排了大概半小時:

從小火車俯瞰樂園的一景:

坐完架空小火車, 剛好有一個機械動物音樂show, 講韓文聽唔明, 悶到爆開, 點知細佬話好好睇, 好鍾意睇^^"

睇完公仔show, 在場內搵食, 這間pizza小店不用排隊等位, 都算ok: 

醫飽個肚, 立即去睇巡遊表演, 但孖寶唔多欣賞, 話唔係幾好睇(他們用了迪士尼作比較-_-"): 

這個假扮熱氣球是場內皇牌遊戲, 足足排了一小時有多, 孖寶又好合作喎, 乖乖的排了個多小時, 一啲怨言都冇: 

Air balloon內看到的景色: 

玩到晚上10時, 樂園遊戲逐一關門, 我們在souvenir shop作最後衝刺:

玩完樂天世界, 給大家小小情報:

*樂園內有innisfree和etude house的專門店, 有些在明洞店給人掃清的產品, 這裏會有機會找到.

**如果住樂天酒店, 在酒店front desk購買樂天世界門票會比在樂園售票處買的便宜.

今次流行首爾玩的已經講完, 或者下篇講吓在首爾的飲飲食食啦!

{www.facebook.com/Kisskidsfamily}