KissKidsFamily(KKF)親親一家人

2014年12月2日星期二

幸福的運動

話說CEO為了擁抱健康生活，的起心肝得閒就做吓運動，雖然真係好得閒先做吓，都好過冇吖，仲有彭主席愛相隨陪跑，當多一個拍拖節目都幾好吖。

孖寶看見我們在上篇blog post出來的美拍video，也嚷著要去運動場跟我們一起做運動，好吧! 拍拖節目要變成一家大細的親子節目了!

兩隻米奇老鼠未出發先興奮:

跑步前先做熱身，佢哋啲熱身真係好掂!

這些熱身動作有板有眼，應該是平時學校做開的運動:

https://www.youtube.com/watch?v=K1lPBPpzXx8

細佬做做吓突然趷籮:

家姐立即教練上身糾正細佬嘅姿勢:

細佬的wobbly tree pose, wakaka~

家姐的超自信tree pose:

https://www.youtube.com/watch?v=RW_lMppnWJA

熱完身, 終於可以跟住爸爸跑步喇:

https://www.youtube.com/watch?v=--cKSyx0DzM

雖然帶著他們令媽媽做運動做得不夠爽, 但看著他們可愛的舉動, 又是另一番享受:

原來世上有一種幸福的運動, 那便是... 親子運動!

{www.facebook.com/Kisskidsfamily}

2014年11月22日星期六

CEO由細到大都唔鍾意運動，一來沒有運動細胞、二來沒有迫切需要(身體髮膚，受諸父母，在此要多謝爸媽賜予我一個唔需要點節食和運動的body，在女人的終身事業方面確實省回不少時間和金錢)，但係唔做運動當然唔健康啦，尤其是到咗咁上下年紀，真係要keep吓，好，為了追求更健康的生活，一於動起來!

唔, 但係點先可以喚醒我沉睡多年嘅運動神經呢? 真係要諗諗計...

1. 運動多元化: 即係在未搵到真正興趣前, 乜都試吓先囉! 暫時覺得可持續發展下去的, 有:

跑步 - 夠簡單, 容易開始嘛!

跳舞: 和小朋友一起跳舞, 既可親子, 又可消耗卡路里, 哈哈!

其實我在鏡頭外好落力咁同佢哋一齊跳緊㗎:

http://youtu.be/7Bxi6lKXunw

既然喜歡跳舞, 或者躲在家中跟住節拍跳鄭多燕, 都會是一個不錯的選擇;

還有yoga我都幾鍾意, 陀住彭小姐時去過做大肚瑜珈, 感覺自己的生活健康咗, 又可慢慢向難度挑戰, 啱哂我慢條斯理嘅生活節奏.

2. 不要少看衣著：所謂工欲善其事，必先利其器，要自己運動得開心，一套合身和專業(至少看來是專業!)的運動裝相當重要。眼見有些人到健身室做運動時會著一些鬆身隨便的衣服，對我來說不成! 要認真一點看待你的運動，儘管只是到家裏樓下會所的健身室。

運動衣剪裁要顯現到自己身段的，這才可認真面對哪裡需要改善，而且穿得專業漂亮點(起碼要自己這樣認為),做起運動來也會自信一點，加倍認真努力一點!

3. 隨音樂而起動：選一些啱beat而自己喜歡的音樂，這是很個人的，總之就是聽了後會有股想動起來感覺的音樂。

4. 找個有利位置：如去gym room workout，盡量找一個有鏡子，可看到自己前後左右的位置，在運動時看到自己的姿勢和身型，清楚知道自己哪部位和姿勢需要改善。

5. 找個認真的志同道合: 和他一起流汗吧! 這也是很個人的，哈哈！可能認真運動的人會更喜歡自己一個人運動，可按自己能力和興趣而行，不用受人牽制；但我這種不太熱衷的初哥，的確需要一個同伴鼓勵和支持。如找不到合適人選，我相信找一個能認真督導自己的專業教練也可以吧！像我這種懶於運動的人，是極需要有人guide住，才能持之而恆，向健康的人生進發！

與他一起流汗, 跑步有趣多了!

{www.facebook.com/Kisskidsfamily}

2014年11月10日星期一

支持小店@Pizza Piazza

話說孖寶好鍾情Pizza Hut，所以有時放假出街玩到攰哂後，都會安坐家中 order pizza delivery.

聽說荔枝角工廠區有家pizza小店味道不錯，但逢星期日及公眾假期均休息，一直無緣一試，終於一晚星期五有機會，決心力排孖寶眾議，唔叫Pizza Hut，一於試叫Pizza Piazza嘅delivery.

Pizza確係正宗好味，肉醬千層麵和松露白汁意粉也好吃，味道確係好過Pizza Hut好多，不過Pizza Hut die-hard fans細Lolo話:"我覺得Pizza Hut好食好多好多喎。" 吹脹! 不過小店缺點係送外賣時沒有像Pizza Hut般用保溫袋，外賣速遞保溫做得不夠好。

我們喜歡支持小店，所以另外一晚又有機會，不去Pizza Hut而去Pizza Piazza，今次唔叫外賣，而是親身踩場。

Pizza Piazza很有小店風情，由Pizza到松露忌廉意粉到甜品Apple Pie都好味，唯獨是蜆肉白汁意粉有陣苦味(應該是因為落多了檸檬皮)，希望可作改善。

支持小店，下次食pizza如果不是撞正星期日或公眾假期，我們都會幫襯Pizza Piazza，點知那個Pizza Hut die-hard fans細Lolo依然是那句評語:「我覺得Pizza Hut好食好多好多喎。」睇嚟都係擺脫唔到Pizza Hut嘅魔咒住，希望遲點會有多些機會讓他們懂得欣賞地區小店的可貴吧!

{www.facebook.com/Kisskidsfamily}