sa-wa-dee-kar@昭拍耶Chaophraya

本來想去九龍城隆姐, 經過南角道, 發現有一新店, 看門面以為吃西餐, 點知原來係昭拍耶嘅新店, 吃泰國菜的, sa-wa-dee-kar! 

先嚟一個椰青, 夠哂清涼爽甜!

柚子沙律, 甜酸度平衡得不錯:

生蝦是賣飛佛!

雞C湯河, 河粉是闊身那種, 不過不失:

這是午餐餐牌的冬蔭功湯河, 水準ok, 後來我們再叫一個a la carte的椰青冬蔭功, 加入椰青肉的冬蔭功湯, 更加正, 把整碗湯的層次提高了:

生菜包, 如加多一些爽口的材料會更理想:

串燒飯啲串燒都幾好味:

條魚一般啦, 略嫌啲肉唔夠鹽香味(不是鹹, 而是燒魚肉帶有鹽香味會更滋味):

Happy Halloween, 叫個籃瓜咖喱應吓節, 用來拌飯或烤餅均一流:

食飽飽, 扮鬼扮馬回校歡渡Halloween Party:

論環境和食物賣相, 昭拍耶把原本我們想幫襯的隆姐給比下去了, 吃過昭拍耶新店, 隆姐... 被拋諸腦後了~

{www.facebook.com/Kisskidsfamily}

今日嘅茶點係... Sweet Boutique de Tony Wong - 金菠蘿(太空館鳳梨)酥!

今日有孖寶婆婆和姨媽媽一起去接放學，去開九龍城，今日嘅茶點由婆婆和姨媽媽包辦，為孖寶帶來開業約一個月、位於侯王道的Sweet Boutique de Tong Wong嘅蛋卷和金菠蘿酥...

蛋卷都ok，略偏甜，不及金菠蘿酥精彩!

本來台灣的"微熱山丘"和香港的"Jenny Bakery"穩佔了KKF的鳳梨酥排行榜頭一、二位的，但現在要改寫了，全因Tony Wong的金菠蘿酥已勇奪榜首!

據店員所講，金菠蘿酥採用了菲律賓新鮮菠蘿和法國牛油製造，他除了和"微熱山丘"和"Jenny Bakery"一樣可吃到啖啖菠蘿果肉外，更優勝的地方是他的酥皮做得很薄，半球體的體積剛巧可一啖放哂入口，夾雜鳯梨果香，令人不覺油膩飽滯，想一吃再吃。

孖寶嚐過以金菠蘿酥作為課後茶點後，回味無窮，細佬更試過在放學後提問:"Mami你今日買咗乜嘢食呀？係咪"太空館"鳳梨酥呢? 我鍾意食吖..." (半球體又真係似太空館噃!)

Mami自己都想食，下次再去開九龍城，一於買來接放學一齊食:-)

{www.facebook.com/Kisskidsfamily}

今日嘅茶點係... 永合隆燒肉!

通常每天接孖寶放學時，我都會帶些生果或yoghurt當放學後茶點給他們在車上享用，這天車駛至太子附近，才猛然想起忘記了準備茶點，剛巧經過燒肉界名字響噹噹的永合隆，就買半斤給他們嘆吧。

孖寶是食肉獸，有燒肉吃當然喜歡啦:

就這樣半斤便要HK$100，不便宜耶，但永合隆的燒肉，又真係能做到皮脆肉香，令人食到停唔到口嘅～

{www.facebook.com/Kisskidsfamily}

又一城的Simplylife

因為要帶溜冰公主學溜冰的關係，每星期總有一天要在又一城搵食...

Simplylife剛開業時和孖寶婆婆試過一次，當時不用排隊，直入便有位，但相隔不久想幫襯第二次時，此店已成人氣長龍店，經常有十幾廿人在排隊，唔係話想食就有得食。

因為我們去的時候不是rush hour，較易有位，所以耐唔耐都可以幫襯一次...

啲蛋糕真係好吸引:

湯濃淡得宜，不俗:

芝士味超香濃，口感al dente，正:

溜冰公主同我一樣都很喜歡吃這碟充滿嚼勁的麵條:

Pizza都好食:

無論blueberry cheesecake或mixed berry tart都巧巧味:

Simplylife有不止一間店舖，印象中我吃過的以又一城這間水準最高最好!

{www.facebook.com/Kisskidsfamily}

郊遊遊到去Hello Kitty Secret Garden

秋高氣爽，又係郊遊好時節。

今日行程好豐富，第一站去咗數碼港商場食lunch:

[睇孖寶嘅笑容就知佢哋有幾鍾意食三文魚子和壽司!]

再去草地野餐兼放電:

草地上有不少小狗奔跑嬉戲，這個畫面看起來很怡人，但實際導致狗糞處處，引來很多蒼蠅亂舞，大剎風景。

第二站我們去了黃泥涌水塘踩水上單車餵魚:

[食雪糕雪條的開心時刻。]

反正去了港島區，一於去埋大坑拜會Hello Kitty嘅secret garden:

[細佬，起身食嘢喇～ 這個漢堡和薯條相當不賴!]

[日式pizza的沙律醬味蓋過了一切，我還是喜歡傳統的香濃芝士味pizza多點。]

[叫了兩款口味的pie, 味道均不錯。]

[成功奪取少女芳心的hot chocolate。]

[唔知有冇記錯，好似叫牛奶玫瑰咖啡，

味道和賣相都夠哂吸引。]

[甜品很別緻，令兩隻Kitty小貓咪忍唔住點都要叫一件嚟食吓，圖中的青蘋果，都幾好味。]

食物賣相精緻，但飯或pasta欠奉，對我而言，menu只適合早餐或下午茶，晚餐來說，太少選擇了，下次約三兩個女性朋友來茶聚聊天會更適合。

{www.facebook.com/Kisskidsfamily}

ZALORA網購 - 一字記之曰... 抵!

自從當了全職媽媽，少了時間行街shopping，多了很多網上購物，上至時裝、下至孖寶的圖書玩具等，都在網上搞掂，初時都驚網上購物冇實物睇過，唔係咁安全，但so far幫襯咁耐都ok，冇乜不愉快事件發生。

成日上網一上Facebook，就會見到ZALORA購物網站出現，忍唔住click入去睇下，衣物、手袋、鞋、飾物包羅萬有，而ZALORA有乜咁特別，令我今次特登寫篇blog嚟講吓呢?! 全因它攻陷了我一直在online shopping的禁忌... 

在網上選購鞋子!!! 因為天賦異稟，骨骼精奇，很難找到穿得合適舒服的鞋子的關係，我是從來不在網上選購鞋子的，非要親身試過不可；那又為什麼今次ZALORA能打動我的芳心呢?! 又全因為它的價錢非常相宜，令我覺得可以一試...

最初幫襯是因為帶孖寶學游泳時穿的人字拖爛了，在ZALORA看到這款flip-flop，只需HK$49.9:

因為購物滿HK$150可享免費送貨，於是又選購了上圖的white top，HK$71.9。

後來已經欲罷不能，又揀了一對sandals，價錢是HK$119；跟著又冇端端貪平買埋個銀色手袋仔玩吓，只需HK$179:

不過買平嘢未必樣樣啱心水，條銀色手袋帶有彎曲位，我唔係咁鍾意，於是發揮自家mix & match精神，自己換咗條Anteprima灰色手袋鏈落去，嘻嘻!

這樣便宜的價錢，當然不能對quality有太高要求，但卻非常抵玩，忍唔住要開心分享，哈! 哈! 哈!

再來漢發

這天專程帶家姊人氣blogger張C9再去一次漢發，直話直說，今次光顧是頗令人失望的...

我點的餃子薑蔥蝦子撈麵，可能是太多蝦子的關係，鹹到飛起，而麵條也太糊不夠爽身，猶幸餃子尚算不錯。

雖然碟撈麵鹹到我好失望，但孖寶公公和張C9點的柱侯牛腩麵和豬膶腸仔都ok嘅:

最後還是覺得他的辣椒油最好!

{www.facebook.com/Kisskidsfamily}