一間親子的非親子餐廳

之前介紹過荔枝角有間餐廳叫做六本木，飛機貨新鮮，又有流水麵機玩<詳情可看回：http://kisskidsfamily.blogspot.tw/2016/12/blog-post_10.html?m=1>，今次又有為小朋友而設的新玩意(大人都巧鍾意😍)，不得不再寫一篇講吓。

超級迴轉火車餐!!!

每次可把三碟壽司放在火車上，而大部份熟的食物均適合小孩吃，例如玉子(甜蛋)、蟹柳和腐皮壽司，還有牛肉烏冬及茶碗蒸(日式蒸蛋)，所以好啱當一份兒童餐，然後父母和子女一起分享：

滿足了小朋友，便輪到滿足大朋友了。當日的飛機貨：

康師傅推介我們連子鯛再拼其他刺身，大家"爭鮮"搶吃！

每次來都必點荔枝豚肉卷，外層香口的豚肉包著多汁的荔枝，酸甜醒胃，正！

甜甜的蕃薯仔串燒，大人、小孩都愛吃：

黑松露鵝肝飯，夠香，食材間又不會互相搶味，配合得很好：

另外還有一客鰻魚飯，但給孖寶和公公食哂，我冇份食😥，可想而知有幾好味：

咁我唯有食多啖銀鱈魚啦：

雞軟骨串較乾身，如燒得juicy 點會更好：

黑松露燒大蝦很香又好味，推！

刺身的蝦頭用來煲湯，咪就係清甜囉！

甜品creme brûlée和奶凍都好味，雖然好飽，但都忍唔住KO哂：

咦，明明仲有碟芝士併鰻魚玉子燒㗎，唔知點解搵唔到張相定掛住食無影到???

總之，我想講，六本木是一間日本料理，本身不是一間親子餐廳，但老闆對小朋友好貼心，除了有得玩流水麵和迴轉火車餐，還會提供整套兒童餐具和有小畫板借給小朋友玩，不過，和流水麵一樣，迴轉火車餐記得一定要預訂呀!!!

{www.facebook.com/Kisskidsfamily}