扶老攜幼星馬團(五) - Singapore Zoo & River Safari，仲有不能錯過的龍海鮮螃蟹王！

世界各地咁多動物園，雖然未去得哂，但港人常去的，星加坡動物園算是我最喜歡的一個。

喜歡它夠熱，充滿熱帶雨林的色彩，又因為樹木夠茂密，熱極都不會太辛苦。

喜歡它動物種類夠多，還可在指定時間排隊同婆羅洲猩猩合照：




其餘有大路的, 如斑馬：

白老虎：

河馬：

袋鼠：

猴子：

睇大象表演：

教大家點分非洲象和亞洲象：

最主要有三個分別：

1. 耳朵 - 非洲象耳朵大，亞洲象耳朵小。

2. 頭頂 - 非洲象頭頂平滑沒隆起，亞洲象頭頂有兩小山隆起。

3. 背部 - 非洲象背部呈凹下去的形態，亞洲象則背部隆起。

至於珍貴的象牙，又是否只有公象有呢？大家一齊睇答案：

原來非洲象雌雄都有象牙㗎！至於亞洲象, 一部分公象有象牙(tusks), 一部分卻沒有; 而亞洲雌象則有一對小象牙(tushes)。

現在大家識分非洲象和亞洲象和哪些象有象牙了嗎? 看KKF的blog也可長知識耶!

再介紹一下我們還看了什麼動物, 有犀牛:

豹:

如時間啱的話, 可餵長頸鹿:

獅子:

行到攰, 又約咗朋友, 最後冇玩兒童樂園, 坐動物園遊覽車出番門口:

其實動物園內的兒童樂園好好玩O架, 不過我哋今次約了朋友去River Safari, 所以冇玩, 但係大家都可以睇回我哋KissKidsFamily之前嘅介紹, 就知小朋友玩得幾開心:
{http://kisskidsfamily.blogspot.hk/2013/09/blog-post_25.html}

Zoo入面嘅餐廳好多人, 如果大家唔想迫, 可以好似我哋咁行過去隔鄰River Safari的入口, 有間叫River Safari Tea House河川茶寮的中式餐館，食物一般，但勝在坐得舒服和唔使迫：

食飽叉完電，我哋入去River Safari繼續玩喇！

小鱷魚:


食人魚:


河流的物種始終不及海洋生物那麼繽紛奪目:


看的不算吸引, 可以摸摸水中生物也算不錯吧:

不知為何熊貓會被安排在River Safari內, 可能香港海洋公園也有熊貓吧, 小孩見了並沒特別興奮的呢:

這個游船河... um, 感覺和在迪士尼坐那隻繞湖一周的觀光船差不多, 不過也挺舒服的:

坐完觀光船遊覽湖中景色, 本應會玩River Safari重頭戲 - Amazon Adventure, 但天公不造美, 下起傾盆大雨, Amazon Adventure暫停了, 唯有留個機會給下次再來吧!

最後一個我喜歡去星加坡動物園的原因，就是玩完一日，晚飯可以搭的士去附近的龍海鮮螃蟹王，吃好好食、好好食的蟹粉😋！

實在太好味喇, 掛住食嘢, 唔得閒影相, 好在星加坡六姨有拍低, 有啲相可以介紹吓:

右下角嘅蟹粉啲湯真係好鮮甜, 啲粉類似米線, 幾飽都要食番兩, 三碗!
第二好味嘅係右上角嘅蕃茄蟹, 醮左下角的炸饅頭簡直是絕配!!

Mellben Seafood啲碟頭好大碟, 較適合一大班人去食, weekdays可book位, 但weekends只可排隊walk-in, 如果唔想排隊等咁耐, 最好5點多玩完動物園, 6pm前便要去到攞位。
是夜孖寶公公生日, 同星加坡六姨一家一起熱熱鬧鬧大吃一餐, 好高興!

{www.facebook.com/Kisskidsfamily}