夏日特訓

每逢炎炎夏日,KKF都會進行沖凍水涼特訓,一來可強身健體,鍛鍊意志,二來可省煤氣電力,又健康又環保.

經過一個沖暖水浴的冬天,孖寶已接受不了凍水的洗禮,要重新訓練.

為了成功進行特訓,我的策略是先搞掂較易的一個,亦即是先向女兒埋手...

某日,向女兒提出沖凍水涼的建議,她不肯就範,於是哄她說:"沖凍水涼可收縮毛孔,令皮膚又滑又有彈性的啊!" 冷不防她自信滿滿地拋下一句:"唔使啦,我已經夠哂彈喇!"然後頭也不回離開了房間... 哇咔咔咔! 得戚得佢吖! 雖然她的皮膚好得不能再好是事實,但媽媽又怎會就此罷休呢!

好! 再出招! 由本來不沖凍水涼的我親身上陣,示範沖凍水涼的樂趣! 其實我自己都覺得凍到騰騰震的,但為了以身作則,硬著頭皮頂硬上!

示範了如何在凍水中歌舞作樂,彭小姐終於鼓起勇氣,接受挑戰:

先試水溫

開始接受到...

我告訴她一定要整個人淋浴在凍水裏才會愈沖愈不怕冷,終於她...

成功了!!!

搞掂咗大嗰個,細嗰個就容易啲就範:

哈哈! 2014夏日特訓順利展開!