突如其來的OT...打風要湊老細!

颱風海鷗襲港，幼稚園下午班星期一、二連續兩天停課，小鬼們突如其來的假期，在我這個全職媽媽而言，等如開多兩日OT，把原本他們上了學的私人時間，湊住兩位老細，安排節目給他們在家打發時間。

回顧這兩天打風的日子，幸好有孖寶公公和婆婆幫一幫手，臨時安排的活動尚算令兩位老細滿意。

除了慣常在家玩玩具、閱讀和稍稍溫習下外，第一天下午開始掛3號波，家姐跟了公公婆婆到會所唱K，細佬則在家午睡；而第二天打8號風的早上，有咁多時間，一於弄個親子"光波爐烘芝士牛油小餐包"給兩位老細享用。

其實就咁就食得，但有的是時間，可慢慢用光波爐把麵包烘香才吃:

[香脆芝士牛油小餐包]

而且還有婆婆和他們一起攪鮮橙汁:

吃過午飯，媽媽小睡片刻，孖寶則在他們的小天地玩角色扮演，好快又到咗買餸時間，陪Auntie去supermarket買餸之餘，我們順道行吓兼嘆吓下午茶:

轉了3號風球後的數小時，趁天色不太差又還有點風勢，最精釆的節目莫過於放膠袋風箏，一個極度廉價卻十分好玩的遊戲:

[公公整給他們的膠袋風箏]

[我諗... 應該係幻想緊自己係Elsa，有ice blasting power，哈哈!]

雖然要開OT，但見老細開心，自己開OT都開得快樂嘅!

{www.facebook.com/Kisskidsfamily}