Alchemy in the Dark

結婚7週年，摸黑慶祝。

Alchemy in the Dark是座落中環Dragon-i上面那條斜路的一間小酒吧，一入地下那層是酒吧，地庫便是dining in the dark的餐廳。

先在地下酒吧那層坐下，侍應遞上"餐牌"，但這個"menu"只會給你選擇3、4還是5道菜和配不配酒，菜式欠奉，因為他們會讓你在完全看不見的情況下用嗅覺、味覺及觸覺來感受食物，猜猜自己究竟吃了什麼。

等待嘅時間，亦是最適合selfie嘅時間~

大家可順便一瞥週圍的環境氣氛...

漆黑中感受食物，要估中哂啲食物並唔容易，好多食物嘅味道覺得好熟，但又硬係噏到口唇邊講唔出，之後職員會用iPad展示食物嘅圖片俾你睇番，其實都係啲西餐嘢，賣個關子保持神秘，不過可以透露食物相當有水準，除了dining in the dark這個gimmick，味蕾還享受了一頓美味的fusion西餐。

漆黑中共晉晚餐，說實在，我只是覺得很想睡，可能慣了漆黑一片便是瞌上雙眼瞓覺的時刻；雖然很睏，這餐漆黑中的晚餐還是挺有趣的，侍應也會細心的和客人聊天，分享他們在這裏的工作經驗和客人趣事等，都算一次特別的體驗。

Dining in the dark完畢後，我們返回ground floor酒吧那層，享用我們的7週年甜品拼盤，唔知是否已經吃得太飽，還是看不見的才是最美麗，總覺得這個甜品拼盤比之前漆黑中吃到的較為遜色...

Anyway, 都要同hubby講聲Happy 7th Anniversary，七週年快樂!

{www.facebook.com/Kisskidsfamily}

愉快的一天@小欖燒烤樂園

二月尾天氣不冷不熱，很適合去燒烤，今次去小欖燒烤樂園，車程來我家不遠，之後我和老公離開大隊搭巴士前往中環也很方便。

父子檔BBQ:

小朋友齊燒烤:

這裏的蜜糖用膠碗盛載，蜜糖掃亦夠大把，不似平時的蜜糖窄口樽和奀瘦蜜糖掃，方便很多：

自己燒的作品特別好味耶!

這裡醃製的燒烤食品味道不俗，尤其咖啡魷魚夠入味，食物平均來說都算好味。

除了BBQ，可以帶寵物來一齊玩，亦可租孖寶身後的麻將耍樂:

有得食雪糕、租單車踩，小朋友梗開心啦:

有梯級讓小朋友自己洗手，都算細心，不過啲踎廁麻麻地，洗手間不及上次我們去白石燒烤衛生企理：

價錢合理，食物好味，地方寬敞，地點不算偏遠，大人、小孩玩意(麻雀、踏單車)各式其色，一家大細渡過了一個愉快的週末。

{www.facebook.com/Kisskidsfamily}

這個價錢，這種環境@力奇火鍋

今晚好難得放低孖寶，同主席去拍拖，在澳海城睇"皇家特工"。

睇戲前，先在大角嘴搵食，我梗係揀我最愛嘅打邊爐啦，尤其是今晚唔使照顧小朋友，可以盡情咁烚吓烚吓，一於試吓甚具人氣的力奇火鍋。

平民食肆自己幫襯唔少，力奇火鍋環境就真係認真麻麻。我們二人被編排到一間位於後巷的房間內，先要走過又濕又窄的通道，途經兩格中門大開的廁格，胃口大減，再經過看來衞生環境不太理想的後巷，穿過旁邊有人正在劏魚的門口，便到達那後巷的房間。

時間尚早，房間內食客不多，鄰桌三個女生不斷揮動雙手去趕走纏繞著她們碗筷和醬油的蚊滋仔，後來可能她們忍受不了蚊滋仔飛落了她們的醬油裏，最終起身離去(不知是真的走了還是調了去其他房間)。我坐的那枱也有兩、三隻蚊滋仔飛舞，不過隨著食客增加，食食吓又唔再覺有蚊滋仔。

我們點了海底椰湯底，稍嫌太稠和味太濃，眼見其他食客大多點蕃茄湯底，應該蕃茄湯底才是招牌吧。

很夠份量的本地肥牛，牛味和𡁻頭均不錯:

桶蠔和魚鰾夠哂大隻，尤其魚鰾很新鮮，我非常愛吃；至於丸類、蓎蒿和烏冬，只是一般貨色:

象拔蚌也新鮮，不過兩小口子埋單要千多元，這個價錢但這種環境，唔值囉，下次還是去回坐得較舒服的火鍋店好了!

這間力奇火鍋雖然食物算好吃，但我不太喜歡，好在之後睇"皇家特工"好好睇，劇情刺激得來又有輕鬆位，我本身唔好特工片都覺得睇得過癮，總算過了滿足的一晚。

{www.facebook.com/Kisskidsfamily}

大飽口福@鯉魚門金輝海鮮

去食海鮮，如果唔識窿路，好容易被人劏到一頸血，今次親戚識人，拉大隊去鯉魚門食海鮮，大飽口福。

門口迎賓的，是一條鎮店之寶，據聞已養了四十年:

仲可以好似寵物咁摸吓佢個頭𠻹:

餵佢食蝦嗰下，勁！千祈唔好行咁埋，唔係啲水真係會彈到你成面濕哂㗎：

同鎮店之寶玩完，美食當前，都係食咗先講!

首先是餐前小食，這碟脆炸合桃，香脆可囗，掂!



節瓜蟹湯, 上面嗰碟只係湯渣，而啲海鮮嘅精華，全落在下面碗湯裏:

蟹嘅鮮甜全融𣾀在內，真係要趁熱飲多兩碗!

充滿份量嘅加拿大海膽令人食指大動，滿足了口感，但略嫌海膽味不夠。

啖啖肉的牡丹蝦，oishii~


香炸牡丹蝦頭，夠惹味香口:


好爽囗又唔靱嘅蟶子，食得我又爽又開心:D


肥美的薑蔥蠔，唔食對唔住自己:


上面介紹的是能令我印象深刻的餸菜，以下是一般鯉魚門海鮮，都ok，但未算好突出喔:






為小朋友而點的菠蘿咕嚕肉：


甜品是芒果木瓜，啲生果夠哂新鮮、夠哂甜，為這餐香港特色海鮮餐畫上完美的句號。


P.S.：鯉魚門有兩、三個不同的公眾停車場，只有門口有「酒家公眾停車場」燈牌的指定停車場才提供食飯泊車優惠，駕車人士可注意。

{www.facebook.com/Kisskidsfamily}

美女甜品@petite Amanda

又到咗下午茶時間，今日人在中環，路經ifc裏的petite Amanda，我家小姐嚷著想吃macaron，咁petite Amanda啲甜品係得嘅，就坐低嘆番個美女甜品啦:

兩姐弟好有自己主見，家姐揀咗macaron，我家少爺則揀色彩繽紛的doughnut:

我呢，就揀番之前食過的Mille Feuille，鍾意佢啲忌廉夠香滑，千層皮夠鬆脆。

家姐鯨吞哂兩件macaron(@$20x2)，問佢好唔好食，佢實話好味；細佬嗰件raspberry croissant doughnut($22)甜中帶脆，細佬梗喜歡啦；但我還是最愛吃我那個夾雜軟滑和鬆脆的Mille Feuille($31) 。

唯一美中不足，是很久以前來幫襯的時候，有美女老闆娘Amanda親自坐鎮，今次冇靚女睇，失色不少，幸好有我個男神用佢嘅性感朱唇嚟呵番我啫～

{www.facebook.com/Kisskidsfamily}

旺角的甜牙牙

今日在旺角搵下午茶食，被孖寶拉了入甜牙牙。

粒粒芒果木糠布丁批($39)：

我家小姐點的，芒果不夠甜，但勝在木糠布丁批整得香滑，餅乾碎口感也好，三扒兩撥便吃完。

Apple Crumble ($68)：

都整得夠香，唔夠小朋友搶，好快食哂。

公司窩夫三文治配香蕉脆脆Sundee車(set for two)$90：

用架車盛載食物梗夠吸睛啦，我家少爺指定要叫這個，但味道只是一般，食物全放在空間有限的車型器皿上，食時好有難度，隨車跟手給客人兩隻碟子，讓客人可把食物放在碟上才吃會好很多。

可能我們有小朋友同行的關係，其中一名職員十分熱心，主動和我們聊天，又送了數粒英國棉花糖逗小孩歡喜，和客人打好關係，讚!

{www.facebook.com/Kisskidsfamily}

羊年好開始@外灘拾號

年初二開年飯，在荔枝角區搵食，想到工廠區近運動場附近開了一間新餐廳 - 外灘拾號Ten On The Bund，一於和家人試試。

說實在，荔枝角區中式食肆的裝修一向欠奉，Jusco開了後起碼有名苑，但名苑樓面太細，長期爆滿，所以我都不常幫襯；直至某天去長沙灣運動場跑步時經過億京，才發現...咦! 在這區難得有間裝修得唔錯嘅上海菜餐廳喎～

原條牛肋骨是這裡的signature dish，幾乎枱枱必點，又真係好好味喎，啲肉炆到夠哂腍和入味，送飯一流。

本來碟醉雞都唔差，但風頭完全被牛肋骨搶去:

叉子燒餅:

肉末普通，燒餅幾香脆。

焗蟹蓋都好食，好快就被KO:

上湯浸豆苗啲菜夠嫩：

反而小籠包、鍋貼和雲呑雖然有水準，但與我吃過的皮薄餡靚、肉香多汁小籠包還是有點距離，講到這裡，只能嘆往事只能回味，在記憶中的味道，永遠是最好的...

雖然已經很飽，但還是能把整個香蕉高力豆沙吞下:

家人整體對這間新開張的外灘拾號一致好評，食物有水準、裝修是同區難得的精緻，連鐵觀音茶葉也不賴，這餐開年飯，真是羊年好開始!

{www.facebook.com/Kisskidsfamily}